We've been blessed

Franco Onthou-dinge & die lewe met 2 kabouters

2010-06-04T07:51:00.019+02:00

Hy is ons groot seun, maar terselftertyd eintlik self nog baie klein...

Franco ontwikkel so vinnig - elke dag kom sy persoonlikheid net meer en meer na vore. Ons geniet hom so so baie! Dis ongelooflik spesiaal om te sien hoe hy ontwikkel van baba na seuntjie. Ek en Gert voel so diep geseend, en bid gereeld dat ons as ouers die regte dinge doen en se om hierdie spesiale seuna te help ontwikkel sodat hy eendag die man kan wees wat God bedoel het hy moet wees.

'n Paar kosbare onthou-dinge:

* Franco is vreeslik lief vir enige werkies, en dring daarop aan om mens te help. Huidiglik wen sy pa en Oupa se aktiwiteite 1ste prys en is ongelooflik interessant. Die gereedskapstelletjies wat hy vir sy verjaarsdag gekry het, werk oortyd en Franco ken AL die name en gee vir jou die regte hamer/saag/skroewedraaier aan as hy daarvoor vra. Hy is lief vir grassny, en help fluks blare hark - en dan is dit 'n tydsame proses om die blare een vir een eers op 'n skoppie te vee en dan in die asblik te gooi.

Enige iets wat Pappa doen, moet Franco OOK doen

* In die kombuis help hy net so fluks:
> Hy spat te lekker skottelgoedwater oor als as hy saam met Ouma Elna was-was.
> Hy kan al sif (wolke meel in die lug is groot pret!) en roer (hoe woester, hoe beter)
> Dit is sy werkie om die afgemete droee bestandele in die bak te gooi as daar brood gebak word (ons bak self - so dis 'n paar keer per week)
> Die ywerige chef is ook lief om kaas te rasper (alhoewel ons vermoed dis meer sodat hy self "aas" kan eet as iets anders)
> Om aartappels of pampoen te mash is net so heerlikheid (Mamma! Stamp stamp). Laasweek was ons besig om soet pampoen te maak, en toe ek my rug moes draai om aan Janita aandag te gee, toe trek Mnr self die suikerpot nader en gooi lustig by. Groot ontsteltenis toe ek 'n einde maak aan die speletjie.

Kooklesse onder die wakende oog van Ouma Elna

* Franco se geredelik Hallo, Tata, Dankie en Asseblief (blief). Hy is ook baie gesteld daarop om sy stoel in te stoot as hy van tafel opgestaan het, en raak baie vies as sy stoute pa (of ma) soms vergeet om hulle stoele in te stoot.

Paasfees 2010: Ons verf paaseiers

* Ons prinsie is vreeslik lief vir skool toe gaan, en ons sukkel soms om die vrede te bewaar as Franco 6:00 die oggend skooltas in die hand by die deur staan en aandring om te Tata.
Hallo julle! Ek kort 'n haarsny, maar vir nou is ek my mamma se krulkopkabouter :-)

* Juffrou Christel se Franco is 'n sterretjie by die skool en sy geniet hom vreeslik. Hy is ietwat van 'n storie aandraer (Juffrou, juffrou - Isak stout!) en na-aap baie graag vir Juffrou met opdragte uitdeel. (Rownan kom piepie! Jody tyd-uit!). Franco sal soms stories oor homself ook aandra en homself in tyd-uit sit. ("Juffrou, juffrou Franco stamp Carmi. Franco skuusie. Franco tyd-uit")

* Ons ster-etertjie het rondom 18 maande skielik op 'n eetstaking gegaan, en wou vir 'n paar maande net Chippies & Vissies (Ovenbake chips en visvingers) eet. Sy ouers het (meestal) hul ore doof gehou vir die nimmereindigende versoeke vir 'n koekie, maar darem soms ingegee vir 'n Vita (Provita).

Deesdae eet hy darem beter, en word die groente nie meer sumier teruggestuur nie. Die kabouter is egter nie 'n vrugte man nie - al probeer sy wrede ma daagliks. Ferm vrugte (soos stukkies appel, perske en druiwekorrels) word soms teensinnig geeet, maar hy verkies baie eerder droee vrugte of rosyntjies. So een keer op 'n reendag sal hy wel waag en 'n stukkie of wat pampino, aarbeie of kiwivrug eet. Weier volstrek om piesiesa (piesang) of siesapek (spanspek) te probeer.

Vroeg-vroeg oggend kaskanades. (Moenie vra waar is die broek nie - dis potty training tyd!)

* Franco-Ranco het sy ma se gene en is lief vir vroeg gaan slaap. Soos sy ma, is ontbyt ook 'n prioriteit en wil hy eet sodra hy opstaan. :-) Slaaptyd is gewoontlik 18h vir 18h30, maar soms sal hy selfs so vroeg as 17h15 smeek om te gaan doe-doe. Ongelukkig is hy ook lief vir baie! vroeg! opstaan!. Ons was al meer as 1 oggend om en by 4h wakker gemaak met 'n uitdruklike versoek vir pappies! Die huisreel is dat ontbyt nie voor 5h (erens moes ons die streep trek!) bedien word nie, maar 5h kan dikwels nie gou genoeg kom vir 'n honger seuntjie en sy moee ouers nie.

Die groot ontmoeting. Janita het heelmiddag geslaap, en ons het gewag dat sy moet wakker word, maar toe begin Klaasvakie vir Franco roep. Hier is dus 'n moee seuntjie, en die Slapende Skoonheid - nie heeltemal wat ons ingedagte gehad het nie :-)

* Franco is die dierbaarste Ouboet, maar baie streng! Van die heel begin af was Janita volgens Franco "My Nita" en klaar. As ons hom smiddae by die skool gaan haal mag die ander maatjies en selfs nie eers Juffrou aan Franco se Nita vat nie. :-) En kuier ons by die Oumas, moet ons vir Janita eerste inlaai anders weier Franco om in die kar te klim - netnou vergeet ons haar!

So trots op Sy Nita

Klein voetjies trippel nie meer soggens na ons kamer nie, maar steek vas by Tussie/Nita se kamer. Met determinasie word die poef nader geskuif sodat daar beter gesien kan word. Of Janita slaap of nie - die dummy moet in! "Tussie, dummy. Nita dummy!" En word die Janita se dummy ergelik ingedruk - gewoontlik is ons darem teen daai tyd ook in die kamer om te keer dat Ouboet te rof raak.

2 Karnallies in die bed!

Die dag wat Janita begin het om 'n rateltjie vas te hou was Franco by die huis met oorontsteking. Toe ek my opgewondenheid oor Janita se mylpaal met Franco deel, was 'n die sorgsame Ouboet dadelik by. Vir die res van die middag kon Janita nie dit durf waag om die rateltjie te laat val nie - of Sersantsamajoor het dit terstond in haar handjie teruggedruk met die streng opdrag: "Nita Vashou!"

Franco "help" vir Janita deur haar te wys hoe werk die speelmat

As ons met Janita opsitte oefen om die maag en nekspiertjies te versterk is Franco ook vinnig by om te help. Dis nutteloos om te verduidelik dat Janita eintlik self haar koppie moet oplig - Franco gee te ywerig instruksies "Nita Op! Nita Af!" terwyl hy haar aan die skouers beetkry. Deesdae oefen ons dus maar eerder as Ouboet slaap/by die skool is.

Sou Janita deur die dag huil of knieserig is, soek Franco naarstigtelik na haar dummy. (Volgens Franco maak dummies alles reg!). As die dummy nie die magic trick doen nie, begin Ouboet dikwels uit simpatie saam huil. Soms word Janita wakker in haar bedjie terwyl ek vir Franco bad (en Gert nog by die huis uit is). Aangesien ek nie vir ons Prinsie alleen in die bad kan los nie, moet sy soms 'n paar minute huil terwyl ek so vinnig as moontlik klaarmaak. Dis vir Franco vreeslik ontstellend, en hy smeek my letterlik om vir Nita Nita te gaan troos. Dikwels eindig ons dus op in ons kamer waar ek met een hand 'n skreeuende Janita probeer sus, en met die ander hand 'n ewe skreeuend papnat peutertjie probeer afdroog en aantrek.

Ons hande is vol,maar ons harte loop oor van dankbaarheid. Sal die twee japsnoete ooit weet hoe oneindig lief ons vir hulle is?

Die twee kabouters hou ons besig en op ons tone, maar ek is oneindig dankbaar vir hulle! Ons is stokflou aan die einde van die dag, maar niks kom by Janita se baba-asempie in jou nek of Franco se stywe drukkies nie. Dankie Here dat U vir my en Gert toevertrou het met sulke kosbare perels. Help ons om hulle reg te lei sodat hulle kan groei en ontwikkel in die mense wat U bestem het hulle moet wees. En Here - skaaf maar aan ons as ouers waar dit moet, maar gee dat ons kinders altyd U liefde deur ons sal sien skyn

Waar het die tyd heen gegaan?

2010-06-02T09:11:00.020+02:00

Waarskuwing: Hierdie is baie lank. Dis neergeskryf sodat ons dit als later sal onthou. Julle is regtig nie verplig om als te lees nie!

Sjoe! Kan skaars glo meer as 'n jaar is verby sedert ek laas geblog het. Het nie gedink ek sal weer begin nie, maar ek sal moet - anders gaan ek te min van Janita se grootword vergeet. Blogging is 'n baie goeie motiveerder om genoeg fotos te neem, en stories neer te skryf!

'n Opsomming van die laaste jaar of wat:

22 April 2009 - Franco word 1 jaar oud! Ons vier die groot mylpaal met 'n Paashaas partytjie 'n week voor die tyd, en 'n lekker vakansie by die see! (Groot bonus toe die Nasionale Verkiesingsdag as openbare vakansiedag aangekondig word. Ons maak ons vakansie 1 dag langer, en ry vroeg die oggend see toe en gaan stem by Glenmore)

Een jaartjie oud en geniet die see vreeslik!

Mei 2009 - Ons huiskoop word uiteindelik gefinaliseer. (Daar was probleme met vorige eienaars wat nie verbeteringe deur die regte kanale aangebring het nie, en die koop (wat ons in Jan 2009 begin het) kon nie deurgaan todat als goedgekeur en geregistreer by die stadsraad was nie.

12 Junie 2009 - Franco moet pypies in sy ore kry! Ma se hart was hoogs benoud, maar gelukkig het die operasie sonder voorval verloop. Hopelik hou die chroniese mangelontstekings bietjie op!

My dapper seuntjie in hospitaalklere

16 Junie 2009 - 'n Hartseer dag toe ek ons babatjie verloor op 5 1/2 weke. Dis 'n vakansiedag, en ek kon nie my ginekoloog in die hande kry nie. Land op die end by iemand anders op, maar daar is niks wat hulle kon doen nie. Ironies - want ons het beplan om ons groot nuus op einste Jeugdag met almal te deel. Dit voel te simpel om slegte nuus te deel - en ons dra toe maar ons seer so stil-stil.

'n Hele reeks bloedtoetse volg (Franco was ook 'n dreigende miskraam, en tesame met 'n chemiese swangerskap in April wou die dokters 'n paar goed seker maak) Die prognose is nie te goed nie - my hormone is heeltemal deurmekaar en ek word gese dat ek waarskynlik sal aanhou om vroee miskrame te he as ek nie hormoonaanvullings kry op kritiese tye nie. Dr Liz werk vir ons 'n detailplan uit van wanneer om te kom vir bloedtoetse, scans ens.

Ons harte is nog baie rou, dus besluit ons om vir eers te fokus om die Groot Trek en oor 'n paar maande eers te begin met Die Plan.

10 Julie 2009 - Die dag van die Groot Trek. Wat 'n deurmekaarspul! Die vorige 2 weke was eers Gert en toe ek vrot van die griep. Die week van die trek sit ons 36 ure lank sonder krag, en Franco raak toe boonop siek! In plaas van pak, is ek besig met oorlog teen 'n hoe koors, en Gert teen die munisipaliteit. Gert het vinniger gewen as ek :-)

Die dag van die trek is daar nog heelwat "odds & sods" wat gepak moet word, en Franco was nog veels te siek om te kon skooltjie toe gaan. Dankie tog vir wonderlike Oumas & Oupas wat kom help met die deurmekaarspul!

Na 'n woeste dag - met kussings wat skoonveld is, en Franco se bababed wat weens 'n skerp hoek nie by sy kamer kan in nie - raak ons uitgeput aan die slaap. Ons 1ste aand in ons nuwe huis!

17 Julie 2009 - 5 jaar terug het ons verloof geraak by die Staatsteater! Die jaar gee ons die Staatsteater 'n mis, maar gaan vier darem tog die geleentheid by 'n nuwe eetplek naby die nuwe huis :-). Dis egter vrek koud, en ons eet maar vinnig. Gedurende die aand begin ons wonder - ek bly tot die dood toe moeg ten spyte van heelwat slaap. Kan dit nog toegeskryf word aan die griep en stresvolle trek - of is dit iets anders? 'n Tuistoets (gekoop by die noodapteek) wys twee baie duidelike strepies. Is dit groot nuus, of nog oorblyfsels van die miskraam? Sedert ons in April begin dink het aan 'n boetie of sussie vir Franco, is dit ons 3de positiewe toets en ons weet nie wat om te dink nie.

Die volgende week wat volg gebeur 2 groot dinge:

* Franco (15 maande) begin loop! Sy balans was 1000 maal beter na die grommets operasie, en hy het heel vernuftig met die "cruising" geraak. In die groter huis is die meubels egter bietjie verder van mekaar, en moet hy noodwendig 'n paar treetjies tussen-in loop! Dit gaan nog wankelrig, maar ons is baie opgewonde!!!

15 1/2 maande - So trots op homself!

* Bloedtoetse bevestig daar is inderdaad 'n baba met gesonde hartklop oppad! Net oor die 6 weke swanger! Die slag is al die hormoonvlakke 100% normaal. Die Dr is verstom - skaars 'n maand tevore was die prognose baie anders. Ons is minder verstom - ons dien immers 'n Groot,Groot Here - maar dit bly 'n warboel van emosies om te verwerk. Dan is ons swanger, dan nie, dan weer, dan nie. Gaan nommer 3 ons gelukbringer wees? Gelukkig kan ons elke tree saam met ons Pappa wandel - al weet ons nie altyd wat gaan die uitkoms gaan wees nie, weet ons altyd Hy loop elke tree saam met ons.

Augustus 2009 - Franco begin by sy nuwe skool. Die aanpassing verloop baie goed. Dankie Here!

Ons laat maak 'n spesiale Ouboet hempie vir Franco om ons groot nuus oor te dra. Oupa Jan was bietjie vinniger om te snap as Ouma Miekie! Ouma was so besig om met Franco te kuier, dat sy die woorde op die hempie vir 'n hele ruk skoon misgekyk het. :-)

Raai wie word 'n Ouboet in die jaar van groot sokker?

Naweke speel ons lekker met Franco op die klimrame by die parkie onder in die straat.

Sept 2009 - ek is tot die dood toe naar (net soos met Franco!) en kan nie veel van die maand onthou nie. Die slag verheug ek my in die naarheid - dis tog seker 'n teken van 'n goeie, gesonde swangerskap? Die helikopter klimraam is sy gunsteling! 17 maande oud

In die begin het Franco al huilende aan my been geklou as ek siek geword het. Later het die episodes al so algemeen geword dat hy slegs gefasineerd toegekyk het. As ek klaar was, het hy aangedring op sy beurt om in die toilet te spoeg voor ons kon spoel (Lekker gross!). Daarna was dit eers my beurt om tande te borsel, en dan MOET sy tande ook geborsel word. Ons prinsie het oor naweke sekerlik die skoonste tande in die land gehad! Dit was dan 6-7 keer per dag geborsel!

Okt 2009 - als gaan nog goed met swangerskap. Prys die Here! Word egter gediagnoseer met 'n groot ystertekort, en die trial run met verskillende ysteraanvullings begin. (Min het ek geweet al die pille sou slegs 'n klein verskil aan die ongelooflike moegheid maak, en dat ek nog steeds met 'n ystertekort sou sit tydens my 6 weke post partum ondersoek!)

Einde Okt kry ons onverwags die geleentheid om gratis saam in die Wildtuin te gaan naweek hou. Letterlik 'n geval van Donderdag besluit, Vrydag-middag ry. Franco (18 maande) geniet dit vreeslik - veral die rooibokkies en apies. Ons sien leeus baie naby die pad, maar hulle le te stil om eintlik interessant te wees vir die klein Avontutier. Eers in die Wildtuin lees ek 'n pamflet dat swanger vroue en kinders onder twee afgeraai word om die wildtuin te besoek weens malaria. Oeps! Ons smeer maar vreeslik anti-mozzie goed aan.

Nov 2009 -

Die sonar wys dis 'n dogtertjie! Ons was baie verbaas (was albei oortuig dis weer 'n seuntjie). Ek en Gert gaan vier dit met pienk melkskommels. Ons kondig ons groot nuus aan tydens 'n familie ete. Die Oumas was sommer baie opgewonde, en begin sommer dadelik die skattigste pienk kleertjies aandra.

Ons vier ook Gert se 30ste (so maand vroeg) met groot fanfare saam met 50 van ons pelle en naby familie. Dit was 'n heerlike aand en ons kuier so lekker dat ons veels te min fotos neem! Dankie vir Ma Miekie en Thelwyn (hulle het gasvrouens gespeel vir die aand sodat ek kon kuier), my werk (vir die gebruik van ons staff rec room, en al die eetgerei) en ons engel, Ouma Sara (sy het gehelp tafels dek, en deur al die berge skottelgoed kaf gedraf!). Met die ystertekort was ek stokflou, maar dit was 'n wonderlike aand. Geluk my man! Is elke dag so dankbaar dat jy vir my gekies het! Die lewe saam met jou raak net al hoe beter...

Des 2009 - Gert se ouers trek na ons stad toe! Wat 'n vreugde om hulle so naby ons te he! Nou kuier ons sommer baie, ipv net 2 keer per jaar! Franco (en nou ook Janita) is baie bevoorreg om altwee stelle grootouers so naby en so betrokke te he.

Ons ry ook af Natal toe vir die jaarlikse familiesaamtrek saam met Ma Miekie se familie. Wat 'n heerlike naweek! Vrydag-aand slaap ons in die mooiste Drakensberge oor, en die kuier begin so lank met van die familie. Saterdag sit ons die kuier voort in Kranskop, en Sondag-middag ry ons Newcastle toe om vir Liani op haar ouers se plaas te gaan kuier. Kuier al te heerlik Sondag-nag om (Liani is 'n dierbare vriendin, en ons kuier veels te min!).

Maandag-oggend is die kuier minder pret, met Franco wat erg klaerig en huilerig is. Dinge begin sin maak toe tannie Annemie baie diplomaties voorstel dat die klomp muskietbyte dalk eerder waterpokkies is. Nugter weet waar Franco die opgetel het, maar 'n apteker bevestig inderdaad die diagnose. Gelukkig het die klomp Natal kleinneefs en -niggies reeds waterpokkies gehad, en was Martelize nie saam af Natal toe nie. Die waterpokkies krap ons Kersfeesplanne om - gelukkig kan ons saam met Gert se familie kuier, want Oom Hannes het nog nie kinders nie.

Kersfees 2009 Franco speel met die grassnyer wat hy by Ouma Miekie gekry het - die waterpokkies so te se weg, maar ons is nog in kwarantyn

Ons Kersfeespersent aan onsself? 'n Sitkamerstel vir die tweede familiekamer en sonverhitting vir die swembad. Ons sit en swem te lekker!

Met Eskom se groot kragverhogings om die draai, knyp ons ook oe toe en laat 'n songeyser installeer.

Jan 2010 - die nuwe jaar begin volstoom met groot projekte by die werk vir my en Gert. Franco (20 maande) kondig self aan dis tyd vir potjielesse, toe hy self sy potjie in sy kas ontdek, dit badkamer toe dra en daarop gaan sit. Toe ons vir die grap sy doek afhaal, toe piepie hy terstond! Binne 'n week kry ons gereelde fondse van #1 en #2 in die potjie, en ek en Gert is tog te trots. (Min het ons geweet Janita se koms sou alles omverwerp, en dat ons einde Mei nie veel verder as daai eerste week in Jan sou wees nie. Sug! Eendag, eendag...)

Feb 2010 - dis jaareinde by die werk, en dinge gaan lekker dol. Ons word bederf met 'n babatee te ere van Sussie, en kry die mooiste kleertjies en kombersies.

22 maande. Ek het my kop oopgestamp teen die nuwe sandput by die skool, maar is baie trots op my Bob the Builder pleister!

Op 37 weke verf ons met Oupa Frans se hulp die babakamer. Ouma Miekie en Oupa Jan kom help met die finishing touches, en ons hang die nuwe gordyne ens wat Ouma Elna help maak het. Daar is niks soos 'n paar vals kontraksies om die "nesting instinct" volstoom te laat inskop nie. Sussie kan nou maar kom!

Maart 2010 - die dae raak min voor Sussie moet kom, maar gelukkig is ons so besig by die werk dat die dae verbyvlieg. Ek kry heelwat meer Braxton Hicks as met Franco, en dink kort-kort ek is in vroee kraam. (Franco was 'n induksie, en ek was nuut met die hele "wanneer gaan ons hospitaal toe? vraagstuk".

39 weke en 6 dae swanger! Franco gee vir Sussie 'n soentjie

Gert kry klierkoors en is regtig erg siek. Ek word beleefd versoek om nie vroeg in kraam te gaan nie, en ek le nagte langs my siek man en tel kontraksies - hoogs benoud dat ek wel in kraam is, en 'n koorsige Gert nie toegelaat gaan word om by te wees nie.

22 Maart 2010 'n Laaste swem van die seisoen. Mamma was daai dag ook in die swembad, maar het gesorg dat sy agter die kameralens bly!

Gelukkig is die Here goed, en werk alles reg uit! Sussie is nie haastig nie, en gee vir Gert genoeg kans om eers beter te word. Sondag 21 Maart (my verwagte datum) breek aan soos enige ander dag. Heelwat Braxton Hicks, maar dit was ek toe al gewoond. Het verslaap en was te laat vir kerk (later sou ons dankbaar wees vir die ekstra slaap!). Het toe maar die oggend verwyl met 'n laaste swem en besoek aan die parkie. Na 'n middagslapie het my Ma-hulle kom inloer. Het die aand bietjie TV gekyk, en toe maar so 21h gaan inkruip.

23h15 word ek egter wakker - en dis sulke tyd! Ek maak Gert wakker, ons bel vir Ma Elna-hulle (wat in 'n rekordtyd by ons huis aankom om vir slapende Franco op te pas) en ons ry hospitaal toe. Gert was nog effe deur die slaap, en het was heimlik nie so seker dat dit die slag regtig is nie - en het baie rustig hospitaal toe gery. :-) Slim man het egter sy gedagtes wyslik vir homself gehou.

Was net na 24h opgeneem, en toe gebeur dinge vinnig. Janita Elsa L is Maandag-oggend 3h50 gebore - so perfek as wat kan kom. 'n 50cm lange pakkie van 3,3kg wat ons net weereens verstom gelaat het oor hoe GOED die Here is!

Is sy nie te mooi vir woorde nie? 1 week oud

Franco (23 maande) is ook baie ingenome met sy Nita

Nog baie nuus om te kom - maar hierdie raak nou veels te lank!

'n Paar snapshots van die laaste ruk

2009-04-19T20:51:00.010+02:00

Sjoe! Deesdae is ons dae so vol en besig en Franco bemeester so vinnig nuwe dingetjies, as ek weer sien is ons agter met die blog!

Die laaste week of wat het ons:

teruggekom van ons Middelburg naweek. Die wasgoed, tuinwerk en regte werk-werke was als agter van die paar dae wat ons weg was en moes ingehaal geword het.
tussen-in moes ons beplan vir Die Partytjie. Groot pret, maar die tyd was net so min! ;-)
Franco het sy deel van die partytjie beplanning gedoen, en sy ouers bederf? deur tand nommer 6 & 7 die 2 dae voor die partytjie te sny. Daar is min dinge soveel pret soos besige dae, en laaaang nagte met kwantiteit gesinstyd nie
en die belangrikste? Dit was Paasfees! Gesinstyd, introspeksie-tyd, dankie se tyd. Dankie Jesus vir U groot,groot offer! Dankie dat ons kan Lewe omdat U bereid was om in ons plek te sterwe.
Ons het een heerlike partytjie gehad en toe moes
Mamma met 'n baie swaar hart Bloemfontein toe gaan vir werksgoete. Niks teen die Rosestad nie, maar 3 uit die laaste 4 keer wat ek daar was, was ons vlugte vertraag. Dink ek ken nou die (vrek klein aircon-lose) lughawe goed genoeg.

Die partytjie was 'n reuse-sukses! En Franco (en sy ouers!) het dit so-so baie geniet. Om die waarheid te se - ek en Gert het die partytjie so baie geniet, dat ons vergeet het om 'n enkele fototjie te neem! (Al het ons so ewe die aand voor die tyd die kamera se battery spesiaal gelaai) Dankie tog vir 'n parate Ouma, Oom Hannes en Tannie Thelwyn wat die Hasie-partytjie vir ons gedokumenteer het. Nou is die uitdaging net om al die fotos by die verskillende kamera-eienaars te kry. Ouma Miekie was so oulik om 'n hele CD vol fotos spesiaal by my werk af te lewer (dankie Ma!), maar daar vergeet ek die CD Vrydag op my lessenaar. :-( Grrr,grrrrr vir myself! Die partytjie-fotos kom - belowe, maar intussen moet hierdie maar instaan...

Ons was druk besig om te pak vir ons Middelburg-naweek toe Franco skielik tjoepstil word en ons wis ons moet gaan loer....

Meneertjie was druk besig om 'n rol toiletpapier te dissekteer - die konsentrasie was iets om te aanskou!Uitgevang! Al is hy hoe klein, Franco weet as hy iets doen wat hy nie veronderstel is nie - en kan nes 'n verskrikte bokkie lyk as hy agterkom hy is uitgevang. :-)

Aan die einde van elke ete dring Franco deesdae aan om self te probeer eet. Dis maar 'n morsige storie (ek sou ook sukkel as ek die lepel kort-kort onderstebo of agterstevoor het), en sy mamma leer lesse in geduld, maar dis te skattig om te sien!
Franco was baie geintreseerd in my sap, en het dadelik nader gestaan vir sy beurt. Moet se - hy het nogals oulik reggekom! As ouers van 'n seuntjie wat nie-hou-van-vreemde-goete-in-sy-mond-nie was dit 'n groot verrassing! Ons was sommer baie trots!

(En kyk net die lelike skraap op die gesig - Franco het saam-saam help klere uitpak, en moes hom op een of ander manier met die gespes gekrap het :-( Hy het niks eers gehuil nie - al het ek my byna boeglam geskrik toe ek dit opmerk. My arme kind lyk nes 'n wilde seerower!)

Kyk hoe rond staan my pensie na ete! Franco het een oggend amper 20 lepels pap geeet! Boeta het net gevra vir nog en nog en nog...

Paasnaweek was ons op die plaas en Franco het Oupa Jan se pantoffels ontdek. (Vir nog skattige Paasnaweekfotos kyk bietjie op Ouma se blog hier)

Oupa jy is my hero, en ek gaan eendag net so groot soos jy wees!

Franco ontpop deesdae in 'n klein helpertjie. As ek of Gert besig is met iets, dan is Seuna vinnig om nader te kruip en aan te dring om te wil "help". Nou veroorsaak die "hulp" nog effens uitdagings, maar ons hoop maar hy bly so fluks sy lewe lank!

Die oggend van die partytjie het Gert die opblaas swembadjie opgepomp en Franco het vinnig nadergestaan en ernstig na die instruksies geluister...
Op en af, op en af! Franco het gedink dis skreeusnaaks. (Franco het darem ietsie van sy ma geerf - sy oe gaan ook toe as hy lekker lag. Nie juis die mees fotogenieste eienskap nie :-)

Franco staan (en stap selfs!) deesdae al oulik - sy selfvertroue is net nog bietjie min. Hy raak verboureerd as hy agterkom hy staan self en dan gaan sit hy sommer dadelik. Die betrokke oggend het hy lank gestaan terwyl hy aan die pomp se pyp vasgehou het - min het hy besef dat so 'n pyp eintlik geen ondersteuning bied nie...

Mamma word darem ook gehelp! Hier help Franco fluks sy eie wasgoed sorteer

Doen ek dit reg Mamma? Dis mos Lig, Medium en Donker ne? So 'n hoop wasgoed maak 'n baie lekker speelding, en Franco kan homself 'n lang ruk daarmee amuseer.

Julle moet 'n lekker aand he! En lief bly vir Liewe Jesus! Ek is tog Donderdag 'n volle EEN jaar oud!

Fotos van die naweek

2009-04-08T16:45:00.003+02:00

Al was die rede vir die kuier 'n hartseer ene (sien inskrywing net voor die ene), was dit nogtans lekker om die familie te sien :-) Ons het so lekker gekuier, dat ek op die end baie minder fotos geneem het as wat ek gedink het ek het!

By die begrafnis-tee. Ons klein drool-machine :-)

Jaag my Lee-Anne! Besig met 'n kruipkompetisie

Die tee was in die dorpsaal gehou met die pragtigste verhoog. Franco en sy kleinnefie en -niggie het alte gou die gordyn ontdek en hope pret gehad! Die helder kinderlaggies was salwend op 'n seer gemoed. Die kleertjies was maar goed stowwerig, maar gelukkig maak Omo weer alles silwerskoon.

Soms was Meneertjie so haastig, hy het skoon geski op die verhoog

Waar's hy? Daar's hy! Graeme is Lee-Anne se ouboet en was wonderlik met die kleintjies

'n Poging tot 'n groepsfoto van die kleinnefies en -niggie. Van links na regs:

is 'n onwillige Lee-Anne (3 in Oktober), Graeme (9 jaar), Hannelize met Fouche (8 maande - tannie Sandy se skoondogter en enigste kleinkind) en Gert met Franco

Fouche verwonder hom aan Graeme wat as kwaai Ouboet vir Lee-Anne tot orde probeer bring en Franco oefen sy waai-tegniek. (Hy het agter gekom dit lok groot reaksie uit, en vir 'n paar dae was dit die nuutste thing om oor-en-oor te doen)

Probeerslag nommer twee. Lee-Anne is erens 'n pienk spikkel agter die gordyn

Fouche is 'n klein bulletjie, en is langer en swaarder as ons klein Aspatatie al is daar 3 maande verskil tussen die twee. Franco is duidelik my en Gert se kind! Reuse is ons nie :-)

Saam met Ouma en Oupa

Baie vroeg Sondag-oggend toe ons wou ry, besef ek skielik ons het so lekker gekuier dat ons nooit 'n foto van Franco saam met Ouma Elna en Oupa Lappies geneem nie! Skuus ons vang julle so in jul nagklere - maar 'n foto moes ons darem he!

Die afry deur die middag/aand was nie so sleg nie, en Franco was droomsoet (en groot dele in droomland!) - maar toe ons so kort na Donderdag weer die langpad aandurf was Boeta minder ingenome. Ons het maar kort-kort gestop en allerhande interessante plekke ontdek. Dink hierdie was by Kroonvaal.

Oom Hannes hou piekniek, en Franco toets die swaaie uit

Die piekniekmandjie het kersietamaties opgelewer, en ons wou kyk wat Franco daarmee maak. Soos verwag, gaan die nuwe fonds glad nie mond toe nie maar die handjies het als ywerig ondersoek.

Hmmm - wat is die? Kom ons slaan/druk dit dood! .

Na die eerste tamatietjie oopgebars is (en Gert lekker nat gesquirt is!), het Franco gedink dis 'n lekker speletjie en wou net nog en nog tamaties he. :-)

'n Nabyskoot van die gemors. Dankie tog vir afveedoekies!

Nog 'n tamatie seblief Mamma? Maar Pappa se NEE ;-)

Dis lekker besig by die werk - ons is altyd besig die tyd van die jaar, en April se baie vakansiedae is lekker, maar die deadlines skuif nie aan nie. :-)

Verder beplan ons lekker aan Franco se verjaarsdag-partytjie. Dis al Maandag! Gits! En behalwe vir almal uitnooi, het ek nog niks eintlik voorberei nie. Sal maar die naweek rondhardloop - en baie dankbaar wees vir Ouma Miekie wat wil help! Die verjaarsdag is eintlik eers die 23ste, maar ons hou dan bietjie vakansie (yeah!) en omdat Franco se ander Ouma en Oupa nou by ons sou kom kuier het, het ons die partytjie bietjie vroeer gemaak sodat hulle ook kon by wees. Maar nou ja, die Here het ander planne gehad en hulle help nou eers dinge in Middelburg uitsorteer.

Op 'n ander punt - is die Here se skeppingswerk nie ongelooflik nie? Minder as 'n jaar terug was Franco nog 'n pap babatjie wat nie eers kon glimlag nie (maar nogtans diep in ons harte gekruip het!). Deesdae is pure klein seuntjie wat al saam met maatjies kan saamspeel en saamlag! Noudat ek 'n mamma is, dink ek, ek verstaan effens beter van hoe lekker dit vir die Here moet wees as Hy sien hoe ons groei en ontwikkel (en hoe gefurstreerd Hy moet raak as ons deur ongehoorsaamheid daai ontwikkeling verlangsaam). En tog gee Hy nooit moed op met Sy kinders nie. Dankie Here! Vir U liefde, sorg en geduld. Dankie vir die blessing wat Franco is, en dat ek deur hom soveel lesse van U kan leer. Maak my hart sag en ontvanklik vir U stem, sodat daai lesse nooit verniet sal wees nie..

Ter nagedagtenis: Tannie Sandy

2009-04-07T21:37:00.005+02:00

Tannie Sandy (soos ons haar geken het) is laasweek baie onverwags oorlede. Die dokter vermoed dit was 'n bloedklont deur haar hart. Sy was Pa Lappies se jongste suster, en ook hul buurvrou en vriendin. Haar dood was 'n groot skok - mens verwag nie dat iemand wat as gesonde mens gaan werk 'n paar uur later sal sterf nie. Ek weet daar is vele wat haar sal mis, en my hart gaan veral uit na Pa Lappies, Ma Elna, tannie Rina Kok en Conrad, haar enigste seun. Ek bid dat Jesus julle superstyf sal vashou, en salfies oor die seer sal smeer.

Gelukkig weet ons dat tannie Sandy 'n Koningskind is, en dat sy nou veilig by ons Pa is. Al is die gemis groot, bring dit tog vertroosting dat niks sonder Sy hand gebeur nie, en dat sy geensins gely het nie.

"Vir die Here is die dood van sy troue dienaars geen geringe saak nie." Psalm 116:15

Franco in sy Cheeky Jeans - een van vele geskenke van tannie Sandy

My hart wil smelt...

2009-04-02T09:39:00.007+02:00

Daar is baie nuus om te vertelle, maar dis 'n onverwagse dol en hartseer week...

Gelukkig is daar 'n sekere kleinman in my lewe - hy en sy pa laat my hart sommer tjoklits klop!

Meneertjie is 'n klein klitsie en sy nuuskierigheid maak dat Mamma besig bly! As ons nie ons speelgoed die wereld vol ronddra nie, dan pak ons die tupperkas uit of verwoes 'n rol toiletpapier, smyt die arme plant om en of pak ons eie doeksak uit. Die doeksak-storie moet ons deesdae hoog wegbere en nogsteeds mooi kyk anders kom jy eers agter iets is soek as jy dit ver van die huis nodig het (hoog genoeg verander elke dag - om bloot die sak op die bank te tel werk nie meer nie!).

Hoe gaan die Flake advertensie? "One smile (bite), and all resistance crumbles"

Elke dag is ons meer seunskind, en minder babatjie..

Die assistente by die skool se bynaam vir Franco is "The King". Toe die skoolhoof vra hoekom, is die antwoord: "Want hy is die gelukkigste, gemoedlikste, happy-ste babatjie wat hierdie skool selde nog gesien het!"

Is dit moontlik dat jou hart terselfdertyd kan smelt van liefde en bars van trots?

11 maande, 1 week en 3 dae

Raai wie het gisteraand lekker geslaap?

2009-03-28T06:51:00.004+02:00

Ekke! :-) Soveel so dat ek nie eers eintlik weet of Franco ook lekker geslaap het nie - as hy nie het nie, dan was dit omdat Gert 'n engel was en opgestaan het; ek was so moeg dat ek niks eers agtergekom het nie.Ons het Donderdag en Vrydag 'n groot afdeling Bosberaad tipe werkswinkel gehad. Ek was grotendeels die koordineerder en moes ook 'n klompie van die lesings aanbied. Dit was 'n eerste vir my, en ek was baie dankbaar vir ons IT-dametjie (al die training rekenaars moet die toepaslike programme gelaai kry, geskuif word, kragpunte uitsorteer, netwerkkabels optoor ens ens) en raakvat sekretaresses wat weet van kos en verblyf reel - so 'n storie het meer werk agter die skerms as wat mens besef!

Die twee dae was produktief gewees, en dit was lekker om almal weer te sien en verhoudings te bou - maar glo vir my, ek was gistermiddag na almal weg was lekker flou gewees!

In ander slegte nuus - Hendrik (my broer) se kar is Donderdag-aand voor die kerk gesteel! Ek was sommer baie onsteld toe ek die nuus verneem - Domminique was vir 8 jaar lank my wiele gewees en ek het gehoop Hendrik sou dieselfde vreugde uit die Blou Tazz kry. Toe ek en Gert net getroud was, was Domminique ons "grand" kar waarmee ons op wittebrood gegaan het. Ek onthou nog die vreugde toe Pa Jan die laaste bietjie wat ek op die kar geskuld het, afgeskryf het as troupersent - dit was bloedsweet om midde-in klerkskap soveel terug te betaal het as wat ek het. Weereens dankie Pa!

Domminique beteken "die Here s'n" so dalk kry die dief meer as waarvoor hy gebargain het! Wie weet wat is ons Pa se planne as dit by sulke goed kom :-) Maar dit bly maar 'n woeste slegte situasie, en ek kry vir Hendrik jammer wat nou sonder wiele sit...

Franco se naweek

2009-03-23T07:09:00.009+02:00

Franco se naweek was nie als super-lekker nie. As ons die doeke moet beoordeel, is daar nog 'n tand wat naby is om te sny (nie dat ons weet watter ene van die drie kanidate nie!), sy neusie was alweer toe (gaan maar altyd saam met die tandekry) - so algemeen het ons bietjie oes gevoel. Boetman se mond was te seer om behoorlik te kou, en die toe neus maak dat hy nie lekker sy bottel kon drink nie - 'n furstrerende situasie vir 'n honger seuntjie!

Gelukkig was dit darem nie als net sleg nie, en het ons oomblikke van groot pret ook gehad!

Raai wie het die skinkbordkassie in die kombuis ontdek?Uitgevang!

Deesdae is trappe klim (onder toesig!) 'n groot bederf!

Hier kom ek Mamma! Franco klim verbasend vinnig!

Sondag-middag het Danie en Adelle (ons vorige buurman) bietjie kom koffie drink. Met die dat Seuna se eetlus so af was die hele naweek, het ons gedag ons bederf hom met 'n bietjie sjokolade-koek - dalk kon ons hom so weer aan die eet kry...

Blykbaar is ek nie so 'n goeie bakster nie... :-)

Franco is vandag 11 maande oud! Wanneer het dit gebeur?

Herfs is aan die kom!

2009-03-18T17:39:00.003+02:00

Die oggende begin so bietjies-bietjies koeler raak, en laasweek het ons skielik agtergekom Seuna se langmoukleertjies pas al hoe meer na kortmoukleertjies :-) Na 'n uitstappie winkels toe, is ons nou (beter) voorbereid vir die koue fronte. Vanoggend vroeg het Meneertjie vir ons sy een pakkie gemodelleer. Kyk net hoe pose ons vir die kamera!

Wel hallo daar!

Cute? Wie ek?

'n Aartappeldrukprentjie vir mamma

Lekker week vir julle! 10 maande 3 weke

'n Maand is in 'n blur verby...

2009-03-15T17:07:00.009+02:00

Sjoe! Kan skaars glo 'n MAAND is al verby sedert ek laas opgedatteer het! Dit was 'n besonders woeste maand - die afgelope maand was daar nie een dag wat daar nie iemand in die huis op die een of ander kursus antibiotika was nie. :-( Met die dat dit jaareinde einde Feb was, en dit ons drukste tyd van die jaar is, was ek nie vreeslik gewild met al die siekwees saam nie. As my base ooit hier sou lees - dankie julle dat julle wel verstaan! Ek hoop ek sal gou opmaak daarvoor!

Die lysie van siektes was ongeveer soos volg:

2 x mangelontsteking (Franco en toe Gert)
1 x maagstorie (Dorette)
3 x erge loopneuse en gehoesery wat aflos speel tussen die huismense (ons al drie)
2 x middel-oorontsteking (Franco en Franco)
Verskeie fisio-behandelings vir sinusse en siek borskaste (Franco, Gert en weereens Franco)
Erge nappy rash ten spyte van al die probiotikas saam met die anitbiotika (darem net Franco)
1 x ge-crashde laptop (Dorette - groot furstrasie! En nog meer verlore werkstyd)

Ons was baie dankbaar vir die humidifier, die nebuliseerder en die Baby-Vac. Sonder die sou slaap nog minder gewees het! (Ervare kollegas het my destyds aangeraai - koop die goete met die eerste verkoue van jou eerste kind. Jy gaan dit ongelukkig meer kere gebruik as wat jy jou aanvanklik kon indink!)

Franco is op die stert-end van 'n tweede rondte antibiotika vir middel-oorontsteking, maar is al baie beter! Ons het uitgebrei van 'n standaard multi-vitamien vir ons elkeen, na 'n omslagtige storie wat Tonsolyt, Respitron, Infantiflora en Barley Green insluit. Hopelik begin al die doepas binnekort vrugte afwerp, en sal ons in die toekoms die antibiotika-trein bietjie minder ry.

'n Lee melkblik maak lekker geraas as jy hom oor die vloer rol...

Ongelukkig was die siekwees seisoen nie net beperk tot ons huis nie - kleine Martelize (Franco se niggie) en haar ouers het net so deurgeloop! Arme Juffroutjie moes glad Vrydag-aand hospitaal toe oor 'n koors wat nie wou breek nie - gelukkig gaan dit darem nou beter. Sterkte Frans en Thelwyn! Ons het baie simpatie en meegevoel! Hopelik is ons oor die hond se stert, en begin dinge nou beter gaan!

Die maand was darem nie net doom-en-gloom nie. Tussendeur het ons te lekker gespeel met ons Rakker, en verstom gestaan oor die ontwikkeling wat so vinnig plaasvind.

Franco help huis skoonmaak

'n Paar dingetjies wat uitgestaan het

Die verskyning van Franco se 5de tand! Daar is nou 3 bo en 2 onder (en nommer 6 & dalkies 7 stoei verwoed om deur te breek). Seuna se onsimmetriese glimlag laat ons ook sommer glimlag!

Raai wie is mal oor sy swaaitjie?

Meneertjie kan vinnig kruip as hy wil! Gunstelinge plekke om na te kruip - onder die (verbode) studeerkamertafel in met al sy rekenaarkabels, onder die pienk bank in die sitkamer (sodat ons ons kop kan stamp as ons probeer regop kom), 'n oop yskasdeur is altyd interessant en die jackpot is die skottelgoedwasser as daai deur durf oopgaan!

Mamma het maar gou 'n ongewilde einde gemaak aan heen-en-weer staan en surf met die laaitjie

Die pediater wil he Franco moet soveel as moontlik kruip, maar dis moeilik as Aspatatie slegs na die naaste voorwerp waarteen hy homself kan optrek kruip, en dan te heerlik staan en gesels.

Goggabie klap nou al hoe meer handjies, en is geniet liedjies waar ons moet handjies klap so baie. Laasweek het Franco so entoesiasties handjies geklap, dat hy homself onbewustelik van die bank weggestoot het en vir 'n paar sekondes op sy eie gestaan het! (Net om met 'n groot kabaal om te dons die oomblik toe ons agterkom ons staan self..)

Guilemientjie se eerste blou-oog en knop op sy kop :-( Op warm middae neem die skool die babas buitentoe om in 'n hoekie van die speelterein te sit en speel en te kyk wat die groter maatjies doen. Boetman wil egter altyd eerder met die ouer maatjies speel as met die babas van sy portuur groep (nie dat hy mag nie), en as jy jou oe uitknip dan het die klein Houdini onder jou neus uitgekruip na die groter kinders toe.
Die nuwe assistent was onbewus van hierdie Franco-geit, en het haar doodgeskrik toe sy sien hoe Franco (wat nog nie kan loop of vas staan nie!) probeer om homself by die klimraam op te hys. Toe sy hoogsbenoud nader storm, toe skrik die Rakker,los alles, en stamp sy kop met die afkomslag. :-(
Gelukkig ken ons Franco goed genoeg om te weet hoe vinnig hy homself in moeilikheid kan kry, en kon dus die assistent geredelik vergewe. Dis moeilik om altyd betyds te keer!

Franco loer al om die kamera om te kyk hoe sy Pappa-hero in die tuin werk. Kyk net die gekneusde linker-oogbank! (Het vergeet om 'n foto te neem om die "guts-en-glory" op sy ergste te wys)

Die klouterkabouter het gister weereens sy ondernemingsgees ten toon gestel. Hy is lief daarvoor om by die bank te staan en speel, maar toe wou hy eerder op die bank speel. Aangesien Meneertjie nog te kort is om self op die klim, is die doeksak met 'n gesteun nader gestoot/kruiproller en toe gebruik as 'n trappie om op die bank te kom! My hart het amper gaan staan, en die doeksak is terstond bygevoeg as item #987 van dinge wat hoog weggepak moet word!

My kind is 'n opperste platjie, en 'n deel van my hart is benoud oor die grense wat hierdie mannetjie nog gaan toets. Laasnaweek was ons almal vir 'n slag saam op die plaas, en het Franco en Martelize weer al die nuus opgevang. Martelize het die afgelope ruk besluit sy wil nie meer haar foppie he nie, maar was vreeslik geintresseerd in haar nefie se foppie wat aan sy dummy chain vas was. (Sy wou nie die foppie in haar mond druk nie, net eintlik vashou en bietjie van naderby bekyk). Franco was vinnig om die belangstelling op te merk, en het ewe lieftallig sy foppie aangegee. Voor my moederhart te trots kon raak, toe ruk die klein karnallie die foppie weg die oomblik toe Marteliefie haar handjie uitsteek om dit raak te vat. Gedink dis 'n eenmalige gebeurtenis? Nee wat - weer en weer is die foppie met die onskuldigste gesiggie denkbaar aangebied, en weer en weer is die foppie voor die uitreikende handjie weggeruk - tot groot onsteltenis (met reg!) van Juffrou.
Het solank op aanbeveling Hettie Brits se "Kweek kinders met karakter" aangeskaf en begin opswot oor hoe om hierdie platjie-geid in die regte rigting te stuur. Gelukkig is ons Pa ook altyd daar om raad te gee!

Mnr Besig ondersoek Marteliefie se voet. Een van die min dae die afgelope ruk wat nie een of albei siek was nie

Daar is nog 'n ton nuus, maar dalk moet ons maar eers hier halt roep!

Franco-Frank jy is 'n Goggapatat, en enig in jou soort. Jy leer ons elke dag soveel nuwe dinge - van onsself en van jou! Jy raak elke dag meer en meer jou eie mensie met jou eie maniertjies van dinge doen- jy het al defnitiewe voor- en afkeure en kan dit al goed komunikeer! Jy is 'n wikkelwurm, en jou almal om jou heeldag op hul tone met jou mannewales, maar ons geniet jou so-so baie! Jou laggie (wat deurbreek selfs al is jy baie siek!), oopbek spoeg-soene en dierbare drukkies laat ons harte terselfdertyd smelt van liefde en bars van trots.

Ons hoop en bid dat die gereeld siekwees vir eers bietjie sal minder word - en is dankbaar vir die Here dat jy elke keer so mooi op die medikasie gereageer het en nie verdere komplikasies ontwikkel het nie! Jy was so 'n troopertjie met al die doktersbesoeke, medisyne gee en fisio saam - Mamma is sommer vreeslik trots op jou! Jy raak elke dag al hoe meer seunskind wat die wereld wil verower, en dis 'n voorreg om hierdie pad saam met jou te kan loop!

10 maande, 2 weke

Dag van Liefde

2009-02-15T10:19:00.022+02:00

"Ons het lief omdat God ons eerste liefgehad het" 1 Joh 4:19

Ek en Gert is nie groot meedoeners aan Valentynsdag nie (bietjie te gekomersialiseerd en fake na ons smaak). Tog hou ons daarvan om mekaar met kwaliteittyd te bederf, en ietsie kleins te doen (al is dit dan nou glad nie hou die media Valentynsdag-vieringe probeer voorskryf nie!)

Die jaar was ons vir die eerste keer op die rooi dag 'n gesinnetjie van 3! Gert wou my bederf met 'n lekker ontbyt, en ons het gekies om die ontbyt te gaan geniet by 'n kwekery naby ons. Die eetplek is onder sulke groot akkerbome, en mens kan uitkyk oor die kinderspeelplek. Die vorige keer was Franco nog bietjie klein, maar die keer kon hy (net-net!) op van die swaaie ens. speel! Meneertjie het ons vroeg-vroeg Saterdag wakker gehad, en dit was netsowel want 8h15 was ons amper die enigste mense daar en kon ons lekker met Franco speel. :-)

Vroeg-vroeg begin die bederf al. Om saam met Pappa te bad is groot groot pret!
Franco was nie so seker van die (vuil!) springkasteel nie Die groot trampolien was meer na Boeta se smaak

Hallo blogland! Ek raak nog gewoond aan die glyplank ding!

Die eendjies op die dam was nie vir lank interessant nieFranco was maar eers lugtig vir die boerbokke

Vinnig is daar maatjie gemaak, en die klein Prins vertel laaaang stories aan sy nuwe vriend.

Seuna se benadering tot die boerbokke was vir ons skreeusnaaks. Aanvanklik het die hele lyfie skoon geruk van spanning. Toe ons hom wou wegvat (om hom 'n skrik op die lyf te jaag is die laaste ding wat ons wou he!), toe protesteer Meneertjie luidkleels. Skrikkerig of te nie, Franco het met alle mag vorentoe gebeur - aan die bokkie wil hy vat! Dit het so paar probeerslae gekos, maar hy het dit ten einde laaste reggekry - en toe is hy vreeslik trots op homself. Ek was skoon aangedaan - my babatjie raak by die dag meer 'n dapper seunskind, en wil al klaar die wereld begin verower!

Op die zebra skoppelmaai - Franco was bietjie deurmekaar, en het heeltyd brrr-brrr geluidjies gemaak. Spesiaal vir Oupa Jan - Oupa se bulletjie op 'n Blou Bul motorfietsie. (Natuurlik toe is die broem-broem geluidjies skoonveld, en Boeta vreeslik geamuseerd met sy Pa wat so staan en broem-broem..)

Saterdag-aand was ons plaas toe vir Oupa Jan se verjaarsdag-vieringe. Wat 'n dag! Eers was daar 'n dief wat in die bosse kom wegkruip het, en al die mans in die omgewing cowboys-en-crooks (Pa Jan se woorde) gespeel het om hom te probeer vang. Toe net voor ete, sien Thelwyn 'n slang in die spaarkamer - die kamer waar die babas moet slaap! Toe moes al die mans weer probeer om die slang te vang. Ek was baie bly dat ek nie 'n man is nie - sal baie eerder slaai maak in die kombuis! Gelukkig was almal darem ongedeerd - al was groot furstrasie toe die dief wegkom, en die slang nie opgespoor kon word nie.

Terwyl daar slaai gemaak is, het Franco en Martelize onder Gert se wakende oog met die honde gespeel (Martelize haal haar nefie in - hulle tweetjies is nou al amper ewe groot!)

Ma Miekie het baie moeite gedoen met die ete - en na al die drama van die dag was die Hartjie-my-liefie hoenderpastei 'n groot bederf! Dankie Pa dat jy verjaar het, en dankie Ma vir al die lekker kos! Dit was lekker om julle op die dag van liefde ook te kon liefhe!

Al die girls was in rooi opgetof vir die spesiale ete! Is Juffroutjie nie te skattig nie? Martelize en haar nefie was albei die laaste week of wat woes verkoue, en het te heerlik hulle mammas aangesteek - verskoon tog maar die waterige ogies!

My liefie-liefie kind, ek hoop jy het jou eerste Valentynsdag sommer baie geniet! Ek hoop jy sal sommer op elke Valentynsdag omring wees met mense vir wie jy lief is, en wat jou liefhet. Maar mag jy vroeg-vroeg reeds besef dat liefde soveel meer is as die goedkoop ding wat die wereld daarvan maak: "God is liefde; wie in die liefde bly in God en God bly in hom. Hierin het die liefde sy doel volkome met ons bereik: ons het niks te vrees vir die oordeelsdag nie, want in hierdie wereld lewe ons reeds deur die liefde net soos Jesus.. "1 Joh 4:16,17

9 maande 3 weke

Oupa Jan verjaar vandag

2009-02-10T20:34:00.004+02:00

Een van die mees amazingste mense in ons lewe verjaar vandag! Baie, baie geluk aan Pa Jan! Jy is 'n yster, en 'n rots in ons lewe. Dankie dat jou liefde vir Jesus Christus so duidelik in jou lewe na vore kom. (Soveel so dat dit altyd vinniger is om gou te bel en te vra: "Pa, waar in die Bybel staan nou weer...?" as om die naslaanboek nader te trek :-) Pa se intergriteit, eerlikheid en insig is voortdurend 'n inspirasie vir ons. Dis 'n voorreg om jou dogter en skoonseun te wees.

Oupa Jan en sy kleinseun. 16 dae oud en die eerste keer op die plaas

Klaasvakie is duidelik met vakansie

2009-02-09T19:28:00.012+02:00

Dankie vir al die goeie wense en sms'e! Ek het Franco Donderdag by die pediater gehad vir sy 9 maande ondersoek, en die se toe die mangeltjies lyk stukke beter! Boeta is geweeg, gemeet, getoets en wat nog als. Die dokter was baie tevrede - beskryf hom net as "klein en fyn". (Dis natuurlik 'n groot verrassing vir almal wat sy ouers ken ;-) Die dokter dag eers dis omdat hy te min eet, maar nadat ek vertel het van hoe gretig Franco sy 3 (groot) maaltye per dag wegsit verklaar dis seker maar omdat Gogga so woelig is. (Die 2 Oumas - hy wou weet of een van sy ouers "woelig" was. Ek het gese ek sal uitvind, maar ons was maar altwee mos stil en bedees of hoe?)

Saterdag was 'n doodlekker dag, en gister is ons na die inseening van klein Pieter Josua. 'n Baie mooi intieme geleentheid, en ons voel geeerd dat ons daar kon wees! Weereens baie geluk Fanie en Terese! Mag Pieter vir julle sommer baie vreugde en trots bring en die man word wat God hom bestem het om te wees. En geluk aan Ousus Stephanie ook!

Franco het Sondag voor ons na die inseening gegaan het, 'n lekker oggendslapie gehad en was baie vrolik by die partytjie. Hy was so geesdriftig oor die storie, dat ek ons tweetjies 'n wyle moes verskoon - Franco gesels dan harder as die pastoor!

By Pieter se inseening - Franco en Marli (25 maande) trek tou oor 'n speelding. Franco mag "klein en fyn" wees, maar hy het 'n baie sterk willetjie en 'n sterk genoeg arm gehad om die "veldslag" te wen.

Met die vreemde plek, en belangriker nog al die maatjies was daar nie sprake van 'n middagslapie nie. Toe ons sowat 'n uur na sy gewone middagslapie tuis kom was Seuna al op sy tweede asem en glad nie lus vir slaap nie. Het toe lustig gespeel en gekruip tot na aandete, en toe homself gate uitgeniet met badtyd. Die badroetine was soos elke ander aand, met 'n storie en 'n cuddle agterna maar Klaasvakie was skoonveld. Die het sowat 'n uur se harde baklei gekos om hom aan die slaap te kry - net sodat die Prinsie 'n 15 min "power nap" kon vat en daarna weer aan die gang wees vir nog 2 ure. Meneertjie was so vrolik - behalwe vir 1 keer se huil was dit heeltyd speeltyd. :-)

Hallo Mamma! Hoor jy ook hoe die koek-koek twaalf uur slaan? :-) Mnr Vrolik is op sy stukke

Kyk Mamma! Ek het sommer geweet jy gaan my ook verlang, toe staan ek solank op en wag vir jou!

So 1:00 het ek opgegee, en Franco by ons in die bed getel. (Vorige kere het dit gewerk as 'n last resort om die Kabouter aan die slaap te kry). Moenie glo nie, Aspatat het in die donker kiertsregop tussen sy ma en pa gesit en handjies klap en gesels. Toe hy nie genoeg reaksie kry nie, het hy probeer om oor sy ouers (wat gehoop het dat as hulle hom ignoreer hy sou slaap) te klouter. Ek het hard probeer, maar dis moeilik om te slaap as daar kort-kort aan jou hare getrek word, of 'n kleine handjie jou oor ondersoek. Operasie Ignoreer het finaal misluk toe 'n spoegbekkie met 4 tandjies in 'n niksvermoedende Pappa se sy wegsink. Gert het met 'n "Goeie Ouers!" wawyd wakker geskrik en Franco het gekraai van die lag - reaksie was al wat hy wou he. (Een kyk na Gert se gesig het my oortuig om maar eerder stilletjies in my mou te lag :-)

Jy maak verniet of jy my nie sien nie! Ek loer vir jou!

Vanoggend was ons al 3 leep-oog. Toe ontdek ek dat ons jongste gesinslid se neusie weer erg toe is, en dat daar 3 erg geswelde tandvleisknobbels is - waarskynlik die rede vir die middernag kapperjolle. Meneer het natuurlik lekker geslaap by die skooltjie, terwyl sy ouers maar moes staatmaak op die filterkoffie by die werk. Ek het die skool mooi gevra dat hy nie toegelaat word om so baie slaap dat hy vanaand weer wil speel nie, en dit lyk darem of dit gewerk het. Seuna was goed moeg toe ek hom gaan oplaai het, en het net na badtyd aan die slaap geraak! Klink vir my na 'n goeie idee!

Julle moet almal 'n heerlike nagrus en 'n wonderlike week he!

Ampertjies vergeet ek: Woo-hoo! Baie, baie geluk met nog 'n suksesvolle Midmar-myl Ouma Miekie! Ons is vrek trots op jou! Ma maak my net bekommerd - my Ouma Ethie het Fauresmith uithourit gery en gewen nadat sy ouma geword het en Franco se Ouma swem Midmar-myle so amper sonder om te oefen. Gits! Wat sal ek die dag moet doen as ek ouma is? :-)

Nie my beste 24 uur ooit nie

2009-02-03T06:59:00.006+02:00

Sjoe! Wat 'n deurmekaar 24 uur - hoop nie daar le nog baie sulkes vorentoe op die lewenspad nie. Sal maar by die begin begin...

Ek is in die Kaap vir werksdinge die week. Was Sondag-aand so 20min reeds in die lug, toe die mikrofoon kraak "Ladies and gentelman, this is your Captain speaking....". Blyk toe dat een van die deure nie mooi seel nie, ons pressure verloor!?, en dat ons maar eerder gaan omdraai. Net na die aankondiging is ons deur woeste turbulensie - is seker die turbulensie het geen verband gehad met die deur wat nie seel nie, maar dit is maar erg skrikkerig om so te wip-wip deur die lug as jy nou net gehoor het daar is fout. Ek het maar baie gebid!

Die vroutjie langs my was heeltemal uitgefreak deur die storie en het vir die res van die rit met haar gesig in haar hande gesit en bid/huil/prewel. Die geleentheid om met haar te praat wou homself nie voordoen nie, maar ek sal aanhou om vir haar bid. Is ons Koningskinders nie bevoorreg nie? Al wil ek nie vreeslik graag nou doodgaan nie, weet ek dat ek weet dat ek weet - my lewe is Christus, en selfs die dood is 'n wins.

Ons was so 40min op die grond, toe kon ons darem weer opstyg sonder probleme. Die rede hoekom ons laterig Sondae-aande vlieg is om maksimum tyd saam met ons families te he, maar nogsteeds so te vlieg dat ons 'n volle nag se slaap inkry sodat ons kan skerp wees tydens al die vergaderings Maandag. Noddeloos om te se - die "land net voor 21h en is voor 22h by die hotel en in die bed" raak toe meer 'n "land net na 23h en is so 24h by die hotel". Fun times. En nie te bevordelik vir op en wakker wees nie. My gewone slaaptyd is nader aan 21h :-)

Maandag-more was ons skaars aan die gang, of Franco se skooltjie bel. Boeta het opgegooi, het koors en is vreeslik huilerig. Crack goes my heart. Nie die ding wat jy wil hoor as jy ver van die huis af is en jouself alreeds doodverlang nie.

Gert was gister self besig met belangrike vergaderings, maar het als gekanselleer en opsy geskuif en toe vir Bieliebam dokter toe gevat. Dis weereens mangelontsteking, en die keer is die oortjies ook erg rooi. Dejavu met antibiotika, koorsmedisyne en baie liefie en troos. My arme arme babatjie! En my arme man!

Gert was (soos altyd) 'n ster van 'n pa wat maar als in sy stride vat, maar toe ek gisteraand met hom gesels was hy maar flou. Dis woes om solo te vlieg met 'n siek seuntjie as jy self ook koorsig voel. (Gert het 'n geneigdheid om by sy seuntjie aan te steek - ek hoop nie dis weer die geval nie!) Sterkte my Engel! Jy weet ek is vreeslik lief vir jou en waardeer jou ne!

Laat gisteraand kom die sms deur: "Boeta het nou sy tweede asem teruggekry. Ons le nou en speel in die bed. Tot 'n bietjie gelag en gekruip. Ek dink die medisyne begin nou werk!" Prys die Here! Ek was lanklaas so bly oor 'n sms in die middel van die nag.

9 maande, 1 week

Foto-probleem gefix!

2009-02-01T11:11:00.007+02:00

Die oplossing? Gits - ek weet nie. Het nou al soveel keer gewissel tussen Internet Explorer en Mozilla Firefox en ook die rekenaar se "cache" skoongemaak (soos aanbeveel deur Blogger se help funksie) maar niks wou werk nie. Vanoggend het ek weer probeer en ta-da : als is reg :-) Lyk my die aanhou, aanhou probeer het dus die ding gedoen.

Hier is so paar fototjies van klein Carl se Bob the Builder partytjie

Kyk net die mooi koek!

Carl en Suzette met hul Callie-man

Daar was 'n swembadjie vol balle, maar dis net soveel pret om te probeer uitklim!

Groot pret om in die sandput te speel Hoe meer sand hoe beter!

Kyk Mamma! Die sand is orals - my hande, mond, ore, doek en wat nog alles! Na soveel partytjies weet ek al hierdie blaas-ding moet in die mond kom. Ek kry nog nie self geblaas nie, maar ek kan al pose :-) Franco amuseer homself terwyl Mamma bietjie huis skoonmaak

Hannes se verjaarsdagpartytjie in die natuurresevaat. Ons het die kamera tuis vergeet, en die selfoon moes toe maar diens doen. Kyk net die modderhande! Na 'n week se reen was die aarde heerlik klam, en 'n woelwater wat WIL kruip en nie vasgehou WIL wees nie, het te heerlik in die modder gespeel en homself van kop tot tone besmeer. Dankie tog vir Omo :-)

9 maande 1 week

Soveel verjaarsdae en geen fotos :-(

2009-01-31T07:00:00.000+02:00

Sjoe! Januarie was omtrent 'n besige maand vir ons wat verjaarsdae aanbetref. Dit was nog altyd 'n baie besige maand in die vriendekring, maar die jaar het daar 'n hele paar kleingoed ook bygekom!

Ek sukkel al 3 dae lank om te probeer fotos oplaai, maar lyk my my Blogger is vir eers gejinx. :-( Het iemand 'n idee hoe om dit te fix?

'n Paar onlangse verjaardae:

* Baie, baie geluk aan Gerhard en Marlize met die geboorte van klein Andre die 21ste! Op die fotos lyk hy pragtig, en ons hoop hy bring vir julle net baie vreugde! Geniet julle gesinnetjie van 4 :-)

* Die 22ste het Hendrik ook verjaar. 'n Volle 27 jaartjies jonk. Hendrik jy is 'n broer duisend, en ek is so trots op jou wat so mooi groot geword het. Nie elke sussie kan spog met 'n Boeta wat soveel liefde en compassion het met ander mense nie (en dan het jy nog sulke sexy kuite ook :-) Mag die jaar vir jou 'n goeie een wees, en mag jy net nader en nader aan Jesus groei. Ons is lief vir jou!

* Klein Carl Joshua het ook die 22ste sy eerste verjaarsdag gevier en Saterdag 'n regte Bob-the-Builder partytjie gehad met die mooiste koek. Franco het die partytjie so geniet - veral die sandput. Carl en Suzette baie geluk met Callie-man se verjaarsdag! Hy is 'n klein bulletjie met die mooiste groot oe en julle maak hom so mooi vir die Koninkryk groot. Dis 'n voorreg om so saam met julle ouers van 'n seuntjie te wees!

* Die 26ste was Frans/Hannes se beurt. (Gert se broer is Hannes vir die familie, en Frans vir die res van die wereld)Baie geluk met jou verjaarsdag Ouboet! Dankie dat ons soveel pret saam kan he, en so baie by jou kan leer. Jy spits jou daarop toe om elke jaar net meer en meer die man te word wat God beplan het jy moet wees, en dit wys! Jou passie waarmee jy God se plan vir jou lewe soek en dan daarvolgens lewe is so spesiaal. Hoop die nuwe jaar van net nog meer induik in God se liefde en genade.

* Sondag was ons op die plaas vir Hendrik se verjaarsdag en Franco het te heerlik met die honde gespeel. (Kyk op Ouma Miekie se blog vir fototjies)

* Vandag is dit Hannes se verjaarsdag-braai - ons hoop net die weer hou! Dit reen nou al 'n paar dae aaneen, en dis wonderlik. Ek is mal daaroor as die aarde so skoon en nuut gewas word.

Die fototjies sou die inskrywing ouliker gemaak het, maar nou is ons darem weer op datum met die belangrikste gebeure.

Here, die tyd vlieg so vinnig verby, en as ons ons oe knip is daar nog 'n verjaarsdag voor die deur. Ons kan skaars glo dat dit oor minder as 3 maande Franco se eerste verjaarsdag gaan wees! Dankie vir almal wat verjaar het, en vir die invloed wat hulle op ons lewens het. Gee vir ons die wysheid om die tyd uit te koop, en dat ons ons tyd sal spandeer op die dinge wat Ewigheidswaarde het. En dankie Here dat U ALTYD tyd het vir elkeen vir ons! Ons is lief vir U

9 maande

Skeerroom!

2009-01-20T18:01:00.007+02:00

Franco se pappa is sy held! (Soos dit mos hoort!) Elke oggend is Boeta vroeg-vroeg wakker, en ons bring hom dan na ons kamer toe. Ekke probeer dan so ekstra cuddle met die prinsie inkry, terwyl Gert solank opstaan en klaarmaak. Deesdae is die cuddle nie meer die grootste bederf nie - eerste prys is as Bieliebam in verwondering kan sit en kyk hoe Gert skeer.

Gistermiddag het ek gekyk wat maak die klein Prins as hy sy eie beurt met die magic white fluffy stuff kry :-)

Aanvanklik was Franco skepties, en het eers net die saak met een handjie ondersoek.

Franco het so hard probeer om die wit goed met die een handjie van die ander handjie af te haal, dat sy neus ook in die slag gebly het

Toe word daar boedel oorgegee, en word die spulletjie met groot entoesiasme doodgeslaan.

Die finale "kunswerk" - tot die een voetjie was in die slagveld

Hande afvee was skielik net so interessant (al doen ons die na elke ete!)

Vroeg vanaand: Groot pret om te staan en kyk hoe die badwater intap

Always smile.....Ons Blou-oog modelleer sy nuutste tandjies

Ai Gogga-patata! Daar is soveel kosbare oomblikke met jou saam - elke dag is daar nuwe dinge! Jy maak jou mamma se hart sommer week - of sy jou jammer kry as jy soos gisteraand skrik vir die donderweer of saam met jou kraai van die lag as ons peek-a-boo speel en jy jouself in die spieel ontdek. Saam met elke nuwe mylpaal en nuwe ontdekking staan ek net verstom en besef hoe GROOT die Here is - dat Hy uit 2 klein selletjies die mensie kon skep wat Franco is. 'n Mensie met jou eie gedagtes, jou eie voorkeure en jou eie unieke dingetjies. Woorde is daar nie om die GROOTSHEID en die GOEDHEID van die Here te besing nie! Mamma wens dat jy dit self eendag sal ervaar..

3 slapies voor 9 maande

(Ps - vanaand is Amerika se eerste swart president ingelyf. Al sal jy dit nie kan onthou nie, sal jy darem kan se jy was daar toe die geskiedenisboeke herskryf is, en het saam met Pappa en Mamma gebid dat Jesus vir Barack Obama sal lei)

Nog fotos van die partytjie!

2009-01-19T11:29:00.004+02:00

Mariska het nog so paar oulike fotos van die partytjie gemail - moes net met julle deel!

Kyk net almal se army klere!

Een kersie op die koek!

My hart se punt oppad na die ewig ontwykende kamera

8 maande 3 weke

Michael James se partytjie

2009-01-18T20:01:00.012+02:00

Sjoe! Januarie is omtrent partytjie maand - en heelwat is van Franco se maatjies! Laasnaweek was Marli se 2de verjaarsdagpartytjie en Saterdag het klein Michael 'n jaar oud geword! (En Saterdag is die Carl se beurt om een te word) Ek en Gert is geseend dat ons heelwat vriende het wat se kinders min of meer so oud soos Franco is - saam kan ons baie lag en bid oor die roller coaster avontuur van ouerskap!

Baie geluk Michael! En baie geluk Mariska en Andrew dat julle die eerste jaar van ouerskap oorleef het! :-) Ons weet hoe hard het julle gewens vir hierdie outjie, en is saam met julle bly vir hom!

Ons gesinnetjie by Michael se partytjie. (Die partytjie het 'n army tema gehad dus die weermagtent en Franco se "army" pakkie)

Wat is in jou sakkie Franco? Kreatiwe Mariska was so fluks om vir elke maatjie sy eie persoonlike "rat pack" sakkie te maak.

Die eregas van die dag en sy pa Andrew maak persente oop.

Daar was soveel om van te kies! Jonathan was 'n baie flukse en ywerige helpertjie

Die was groot pret om die balonne te probeer vang as Pappa my in die lug opstoot!

'n Paar ander dinge:

Ons is in die huismark! Sal graag 'n plekkie bietjie nader aan die werkke wil kry, en ene met 'n groter tuin vir rondhardloop. Dis 'n groot besluit en 'n groot gebedsaak - bid seblief saam met ons! (En dis ook hoekom die blogging bietjie minder is - die eiendomwebsites kry nou voorkeur)

Raai wie se seuntjie is ek? Pa en seun hop op die immergewilde bal

Franco het Vrydag tand nommer 4 gesny! Seuna het nou 2 tandjies bo en 2 onder! :-)

Franco is nie 'n somermens nie, en kry baie swaar as dit kwik styg. Ons het laas die nat splash swembadjie op die plaas gelos, en die groot swembad by die huis is tans onder ph behandeling. Maar 'n Pappa maak 'n plan, en as dit nie anders kan nie, dan swem ons maar in die speelgoedhouer - sommer so twee keer op 'n dag. Franco deel nie sy Ma se geite nie, en gee glad nie om vir 'n gespattery nie. Hoe meer druppels vlieg, hoe groter die pret!

Mid-swem het Franco se boudjies geglip en sy kop vir 'n kwartsekond onder die water beland. Hier vertel hy sy Pappa hoe lekker dit was - bietjie geskrik, maar niks eers gehuil nie. Kyk net die tande!

Vol geselsies oor sy groot avontuur!

Ons tweede swem van die dag

Swem maak 'n man vaak en reg vir sy middagslapie

Kyk hoe mooi drink ek deesdae uit my sippy bekertjie!

Boetman sit deesdae in die hoe stoeltjie en eet! Maar dis gaan morsig, want Seuna se handjies word soos 'n magneet na die lepeltjie aangetrek. (Die borslap is met rede agterstevoor - die plastiekkant vee sommer met 'n lappie skoon, en mens sukkel dan nie met pampoenvlekke wat die mooi prentjies bederf nie)

Ons het soveel pret en elke dag is ons harte tot barstens toe vol van dankbaarheid oor ons kleine wonderwerkie wat sommer so in 'n oogknip grootword. Kan skaars glo die tyd glip so gou verby! Franco is al 8 maande en 3 weke oud

'n Alles in een oor Franco

2009-01-13T02:36:00.007+02:00

Sjoe! Ek raak agter! Daar is so baie stories om te vertelle, maar met die dat ons laasweek heelweek op die plaas gebly het, en die naweek propvol 4! verjaarsdagpartytjies was kom ek nie by alles uit nie. Sal maar so stuk-stuk vertel...

Franco

* Die kleine prinsie het al 3 tandjies! (En siestog - nog 2 wat dreig om te sny) Ons wenner (8 maande, 1 week) was 'n middeltand regs-onder wat die 30ste sy verskyning gemaak het. Sy maatjie net links van hom was 'n kortkop agter en het die nuwejaar vir ons ingelui. Die boonste regterkantste middeltandjie was 'n persent vir ons huweliksherdenking die 8ste Jan. Ons wag nog vir links-bo, en onder regs is daar 'n knobbel van 'n baie seer oogtand? (Is duidelik nie 'n tandarts nie - so die benamings is maar bietjie krom en skeef)

Boetman trek maar swaar met die tande saam, en dis 'n gedoente om in die warm weer 'n seuntjie te troos wat geliefie wil word maar geirreteerd raak as ons mekaar sopnat sweet. :-) Tandeborsel is nog 'n uitdaging vir hierdie nuwe ma met 'n onwillige seuntjie wat daai mondjie styf toeknyp en woeste gesigte trek, maar ons raak darem elke rondte bietjie meer effektief!

Franco se eerste tandeborsel

Elke nuwe tandjie laat hom net meer en meer soos 'n klein seuntjie lyk. Wat het van ons babatjie geword? Dit was dan net gister wat ons huis toe gekom het van die hospitaal!

Ek glimlag groot so tussen my Kerspersent, maar my tande sien julle nie! (Kyk net hoe lank word my hare - dit krul al skoon in my nek)

* Franco is mobile! (En was op 8 maande, 1 week) En het 'n sesde sintuig om reguit te mik vir die dinge waarmee hy nie mag speel nie. :-) Elke dag vind ons net nuwe dinge en hoekies wat weggepak/opgeskuif/toegesluit moet word. Die klein klitsie hou sy ouers (en sy Ouma Miekie) op hul tone!

Ons het die 30ste Des vir Franco so oulike elektronies hondjie gekoop om hom te help kruip. Dis toe nou al weke wat Franco mik-mik om te kruip, maar nie lekker agter die kap van die byl kon kom nie. Die woef is aan die duur kant vir so na Kersfees persent, maar was hoogs aanbeveel deur van my vriendinne (as jy hom tap dan "loop" die hondjie so paar treetjies vorentoe op die maat van musiek. Dan stop die hondjie en blaf vir jou om nader te kruip sodat jy hom weer kan tap en dan "loop" ons weer vorentoe). Ons wou kyk of ons nie 'n einde kon maak aan Gogga se furstrasie met die gesukkel om te kruip nie, en het toe maar 'n persentjie ter viering van sy eerste tand gekoop. :-)

Die hondjie was onmiddellik 'n reuse sukses! Franco was BAIE ingenome met die nuwe speelding, en het die hele dag agter die woef aangesukkel in 'n mengsel van seil op sy magie en regtig-egtig kruip. Ons was baie in ons skik met ons oulike aankoop en het fotos vir die vale geneem, totdat Franco na so 2 dae agtergekom het dat as jy die hondjie tap en dan dadelik aan sy stert gryp, die musiek nog speel maar hondjie nerens kan gaan nie en jy dus nie die moeite te doen om agter hom aan te kruip nie. :-)

Franco se eerste kruip! 30 Des 2008

Franco is maar 'n lui kruipertjie as die motivering nie reg is nie, en veral as hy weet jy kyk vir hom. Draai egter jou rug (of wees geeky soos ek en Gert en loer hom skelmpies af), en hy kan blitsig klaarspeel met die hele lengte van die vertrek.

Goeie motivering sluip in enige iets met drade (laptopkoorde, telefoonkoorde, Ouma se multiprop), enige iets waarmee hy nie mag speel nie (soos Pa se skroewedraaier wat per ongeluk geval het) en Martelize! Franco is versot op sy fraaie niggietjie, en sal hemel en aarde beweeg om by haar uit te kom.

* Sy eerste dada! Franco is al lank vol geselsies, maar ons sukkel maar nog om te verstaan. :-) Die laaste week of wat het hy egter begin dada en hallo se! Sy pa is nie bietjie trots nie, en terg my genadeloos omdat mamma nog glad nie sy verskyning gemaak het nie. Ek reken dis net goeie geluk aan sy kant - ons het dan eintlik pappa probeer leer! Maar dit lyk tog asof Franco Gert bedoel as hy dada se, want hy kyk elke keer direk vir hom. Die hallo is nog bietjie lukraak,maar hy geniet dit om dit vir al sy speelgoed te vertelle. (Ek weet, ek weet - nou kan ons nie wag dat hy begin praat nie, en oor 'n jaar of twee wens ons hy wil net bietjie stilbly!)

* Staan is meer pret as sit! Franco het die vakansie agtergekom hoe lekker dit is om te staan en probeer hom nou optrek teen amper enige iets. Aanvanklik was dit baie snaaks om te sien hoe hy sy boudjies oppluk as hy nie wil sit nie, maar dit het vinnig 'n toets geraak vir ons geduld en behendigheid met soveel dinge wat op 'n stoeigeveg uitloop. :-)

Kyk waar staan ek!

Die staan oomblikke van ons dag:
> Stoei om stewige beentjies wat vasskop in die karstoeltjie vas te maak, want hul eienaar wil staan en vir die karre kyk, en niks weet van sit waar hy nie kan uitkyk nie.
> Wees paraat tydens speeltyd, en keer as hy wil optrek teen goed wat nie sy gewig sal dra nie (soos die buigbare boee (arches) van die speelmat, die speelgoedbalie ens). Wees ook naby genoeg om te kan vang as hy baie trots op homself by die bank of koffietafel staan - Franco het nog nie geleer van gaan sit as jy moeg is nie, en gaan reguit van staan na le en sy kop kap teen die grond. :-(
> Probeer Seuna leer van staan, en dan kaplakse boude gaan sit as jy moeg is. Gee na 'n rukkie op as jy agterkom hoe sterk so klein seuntjie eintlik is as hy nie-nou-wil-gaan-sit-nie.
> Pak sy badgoedjies uit, en stoei om die staande,dansende Wikkelwurm se klere uit te trek en sy doek mid-air af te haal.
> Kry honderd gryshare as Franco die handvatsels in die bad ontdek, en homself uit sy badstoeltjie uit lig. Keer vir 'n vale, kry jouself sopnat en pak blitsig daai skeermes op die bad se rand weg.
> Droog 'n kosbare bababondeltjie af, en begin van voor af stoei met die aantreksessie. Dis nou as jy gelukkig genoeg is om 'n doek aan 'n wikkelwurm wat probeer wegkruip aan te kry sonder om als vol boudjiesalf te smeer.
> Lag maar, stoei verder en se 'n duisend dankies vir ons Pappa vir ons groot geskenk.

* Ek het die jaar maar so vroeg as moontlik begin werk, sodat ek genoeg verlof kan he wanneer Seuna siek word (hopelik nooit, en dan kan ek Des 'n lekker lang vakansie saam met hom he!). Franco was weer in Ouma Miekie se speelskool, en het dit omtrent geniet! Dankie Ouma vir al die oppas en liefde! Ek het die swem, liedjies en jolly jumper jolly baie geniet! En dankie dat Ouma my opgepas het toe my ma-hulle gaan uiteet het vir hul herdenking - hulle het hulle eerste alleen-date gehad vandat ek gebore is en dit baie geniet!

Ai ons liefie-liefie kind! Jy is 'n handvol, maar die harde werk is pret! Ons geniet jou so-so baie en raak net al hoe liewer vir jou soos wat die dae deur ons vingers glip. Dankie dat jy maak dat ons ons grense verbreed, dat jy ons leer van geduld en nederigheid en bederf ons met jou sopnat babasoene en lomp drukkies. Jy is 'n super spesiale seuntjie Franco!

8 - 81/2 maande

Familie Kersfees-fotos

2008-12-29T15:35:00.007+02:00

Nota: Ek het gister begin om te skryf oor Franco se eerste Kersfees, en agtergekom dit vat lank. :-) Het toe maar intussen die familie-fototjies opgesit. Toe ek vandag die Kersfees inskrywing klaarmaak, toe publiseer Blogger dit onder die inskrywing!

Dis bietjie laat, maar: Geseende Kersfees! Hoop die Christus fees was 'n wonderlike spesiale dag deurdrenk met vrede en liefde.

Kers-oggend na kerk het ons gou aangetree vir die fotosessie

Ons gesinnetjie van 3. Mamma vertel ek was 'n wikkelkous wat geweier het om te sit, en eintlik net my bottel wou he :-) Nou vir wat neem hulle fotos as hulle weet ek is honger?

Wat kyk jy so? Het jy nog nooit 'n baba sien bottel drink nie?

'n Bottie maak sommer baie dinge reg in die lewe! Saam met Oupa Lappies en Ouma Elna

Ons manne was almal (onbepland) in blou. Het jy al 4 sulke mooi paar blou kykers bymekaar gesien? Mamma hoop my ogies bly blou nes my Pappa s'nne. (Maar ek is seker sy sal vir my lief bly maak nie saak watter kleur my ogies opeindig nie)

Ons 3 FJ's. Oom Frans Johannes, Oupa Frans Johan en ekke (Franco Jean).

Ekke kon nie ook 'n Frans wees nie - netnou het Oom Hannes eendag 'n seuntjie wat hy Frans wil noem! En moenie vergeet van my ander oom Frans wat met tannie Thelwyn getroud is nie. Dalk het hulle ook eendag 'n seuntjie wat lyk soos 'n Frans!

8 maande en dae oud

Franco se eerste Kersfees

2008-12-29T14:31:00.009+02:00

Franco het sy eerste Kersfees so-so geniet! Al het die tandjies nog gepla (sien inskrywing net hieronder), was Boeta in 'n besonders goeie bui tydens Kersdag. Ek wil graag glo dat alhoewel hy nog te klein is om regtig te verstaan waaroor Kersfees gaan, hy deur 'n baie spesiale Iemand aangeraak is en Seuna se gees agtergekom het dat dit 'n baie spesiale dag is!

'n Paar dae voor Kersfees, en Boeta verkyk hom aan Oom Hannes wat liggies op die kersboom hang. Die verwondering was groot, maar 'n klein handjie het stewig aan my arm vasgehou vir morele ondersteuning!

Die pret en plesier het sommer al voordag begin toe ons kerk toe gestap het. Franco het sy vroeg-oggend stappie in sy waentjie baie geniet, en gekraai van die lag! Die pret het nie daar opgehou nie, en Seuna het aanhou lag vir alles en almal - die tannie wat agter ons in die kerk gesit het, die dominee daar hoog bo op die kansel, die klanksisteem wat op 'n stadium probleme gegee het - als was een groot vreugde.

Ek en tannie Rina Kock ('n vriendin van Ouma Elna) maak grappies na kerk. My pakkie verklaar "I'm a good boy" - dink julle dit sal help dat ek baie persente kry?

Franco het by die huis nie regtig die hele persent oopskeur ding verstaan nie, maar het tog met 'n groot glimlag sit en aanskou hoe Gert al sy persente vir hom oopmaak. Anders as wat ons verwag het, was Franco toe nie so geinteresseerd in die geskenkpapier en bokse nie, maar wel baie in sy heel eerste persent - 'n bottel bababadseep van tannie Gertude! Die bottel was aanvanklik baie meer pret as al die ander speelgoed en klere! :-)

BAIE opgewonde oor my lekker bad-seep! Dankie tannie Gerty!

mmm - wat is hierdie papier storie nou eintlik?

Die houtblokkies van tannie Sandra moes eers doodgeslaan word
Klere en 'n tandekry ratel van Oom Hannes. Die rattel is dadelik met groot ywer geskud, voor dit reguit mond toe is Nog klere! Die keer van Ouma Elna en Oupa Lappies. En dit terwyl ek van die klere wat ek by Ouma Miekie gekry het modelleer! Dink my Oumas het gehoor toe my ma vertel dat ek so vinnig gegroei het die laaste paar weke dat al my ander klere te klein is! Dankie julle - nou hoef Mamma nie amper elke dag wasgoed te was nie. :-)

Oupa en kleinseun ondersoek al die nuwe speelgoed!

Ons liefste Goggatjie! Ek en Pappa is bly jy het jou eerste Kersdag soveel geniet! (Al was dit 'n titaniese stryd om jou in die bed te kry - jy het die hele dag 'n skrale 90 min geslaap, en wou teen bed toe gaan tyd nogsteeds niks weet van uitmis op die aksie nie :-) Ons hoop jy besef sommer vroeg-vroeg dat Kersfees oor soveel meer gaan as geskenke en lekker kos. Die grootste geskenk van alle tye is Jesus wat Sy lewe vir jou en vir ons gegee het sodat ons kan lewe! Ons hoop so dat jy die geskenk sommer vroeg in jou lewetjie sal aanvaar - en elke Kersfees sal verstom staan oor hoe groot God se genade en Sy liefde vir ons is. Dankie dat jy hierdie Kersfees saam met ons gedeel het - dit was super spesiaal om Kersfees deur jou ogies te beleef! Jy is van die hemel af gebid, en al het ons jou in April gekry is jy ons heel beste Kerspersent gewees!

Daai klein wit dingetjies

2008-12-29T13:50:00.010+02:00

Nie ons klein drool machine se beste pose nie - maar kyk net daai arme geswelde tandvleis! Seuna het skoon 'n rash op sy ken van al die dribble :-(

Voor iemand vra - nee daar is (helaas) nog geen kleine wit pereltjies in die Prinsie se mond wat al gesny het nie. (Dis nou ten spyte van Ouma Elna se voorspellings op 3 maande, Juffrou Sylvia se mening op 4 1/2 maande toe Franco skool begin het ens. ens) Maar daai ongesnyde tandjies is erg lastig! Daar is 2 geswelde mieliepitjies bo, en 2 twee pereltjies onder waarvan die wit al vir 'n week lank deurskyn. Arme Franco! Jy moet maar Thomas Edison se houding inneem, elke dag (mislukte eksperiment) is een dag (eksperiment) nader aan 'n glinsterende glimlag (gloeilamp)!

Teething toys van die afgelope maand:

Franco se plekmatjie by die huis

Ouma Elna (en enige ander beskikbare iemand) se vingers!

'n Yskoue tandering bring verligting

Die speelmat het omtrent deurgeloop, maak nie saak of ek op my

ruggie le,

op my magie rondkruip

en of ek staan nie!

As niks ander beskikbaar is nie, moet my eie handjies maar diens doen.

Ai ai! Die klein karnallie trek maar swaar in die nagte, al is hy gedurende die dag 'n troopertjie! Dankie tog vir dinge soos koue tanderinge, Teejel en die apteek se wonderlike tandemengsel!

8 maande oud

Raai wie is terug? :-)

2008-12-29T13:14:00.008+02:00

Ons is pas terug van 'n heerlike maar woeste rondomtalie kuiery! Eers het ons vir 'n week op die plaas gebly sodat Ouma Miekie vir Franco kon oppas (want sy skooltjie het toe reeds gesluit). Franco het 'n wonderlike tyd gehad by sy Ouma en Martelize, en Mamma kon nog 'n week werk en sodoende verlof spaar vir as kleinman dalk sou siek word. Dankie Ouma Miekie! Jy is 'n ware ster en ons waardeer jou SO SO baie! Lees meer oor Franco se tyd by Ouma op haar blog - hier en hier

Ouma-hulle is die Vrydag al troue toe, en toe het ek saam met Mamma kantoor toe gegaan vir haar laaste dag. Ek weet nie hoekom kla sy so oor werk nie? Kyk hoe lekker speel mens dan in haar kantoor!

Na die kuier op die plaas het ons een slapie by die huis gehad om wasgoed te was, te pak en skoon te maak en toe is dit af Vrystaat toe vir my neef Niel se troue met die mooie Marissa. Die troue was baie spesiaal, en dit was so mooi om 'n getuie te kon wees van hoe twee Koningskinders hulle opnuut aan die Here en aan mekaar toewy. (Elke troue wat ek bywoon bring weer sulke helder herinderinge terug van ons groot dag. Die opwinding van daai dag, en hoe min ons geweet het - the best is yet to come! Ek en Gert het soveel pret as getroudes en dit gee my hoendervleis as ek dink wat als vir Niel-hulle voorle). Ek was maar lui met die kamera tydens die trou-naweek, maar die getroue Ouma was op haar pos!

Een van die min troue fototjies. Pa spot ek sit op Mamma se plek! :-)

Na die Vrystaat kuiertjie het ons die pad gevat na Ouma Elna en Oupa Lappies se huis in die klein Karoo. Daar is so baie nuus om te vertelle van ons kuiertjie daar, dat ek maar so stuk-stuk sal moet opvang!

Wat 'n week!

2008-12-04T07:26:00.001+02:00

Die week het behoorlik verby gevlieg - ek is skoon agter met die stories! :-)

Saterdag was ons bietjie na tannie Duifie se 90ste verjaarsdag op Goodland (die F's se wildsplaas, so 10 min se ry van my ma-hulle af). Baie van my perdry herrinderinge is verweef met Goodland en dit was ook my en Gert se trou venue! Dus is dit altyd lekker om soontoe te gaan, en baie "onthou jy?'s" te beleef. Die keer was geen uitsondering nie, met Franco wat vir die eerste keer uit 'n glas gedrink het! Ouma Miekie het selfs 'n videotjie daarvan op haar blog van 29 Nov '08.

Sondag het Franco weer begin met verkoue en siek wees. :-( Ek het saam met Seuna erg verkoue gekry, terwyl Gert die verkoue vrygespring het net om Vrydag met mangelontsteking gediagnoseer te word! Dis goed die vakansie is om die draai - ons al 3 kan doen met bietjie rus en imuniteit opbou.

Franco kry een van vele stoombehandelings.

Dieselfde seuntjie na die behandeling, besig om die pyp te kou. Prys die Here vir behandelings wat so goed werk!

Maandag-nag was ons krag vir 'n lang ruk af. Groot furstrasie all round - Franco kon nie gestoom word nie, en saam met koue bottels het dit gesorg vir 'n omgekrapte seuntjie. (Die pikdonker het darem gemaak dat ons die maan en twee planete ekstra mooi kon sien! Ons Skepper het darem maar gesorg vir 'n wondermooie skouspel)

Dinsdag was ek vir die dag Botswana toe om probleme by een van ons takke uit te sorteer. Maandag-nag se omgekrapte seuntjie + vroeg opstaan om 5h00 by die lughawe te wees + heeldag in vrek warm Gaborone rond-mission (sonder lugversorging helfte van die tyd) en die vlug terug = 'n stokflou ekke wat 21h15 by die deur instrompel.

Gert was 'n ster van 'n pa wat die hele oggend- en aandroetine vir die eerste keer op sy eie aangepak het. Ek het dit al genoeg kere in die verlede gedoen om te weet dis moontlik, maar nie maklik nie - die Here het geweet wat Hy doen toe hy gesinnetjies met 'n pa EN 'n ma ontwerp het!

Kaalbaskruip na badtyd is die beste ding ooit!

Woensdag-aand het ons ons afdeling se jaareindfunksie gehad en almal saam Steve Hofmeyer gaan kyk. (Ek het my eie opinie oor die man, maar sal dit maar eerder los vir 'n ander dag) Nietemin was die kos en geselskap heerlik en gee die duiwel wat hom toekom - die man is 'n goeie kunstenaar. Franco het heerlik by Oom Gerhard en Tannie Marlize gebly en met Marli gespeel - dankie julle!

Donderdag-aand het ons slaap ingehaal, en vanaand pas ons vir Martelize op. (Eintlik ekke - Gert is koorsig en ons hou hom maar weg van die babas. Tans sit ek en blog terwyl die ander sieletjies in die huis almal slaap. Ons verbeter met die oppas - dis al baie rustiger as die eerste keer!

Het sy nie die mooiste haartjies nie? Kleine juffrou soet in droomland

Franco en een van die maatjies by die skool het geleer om so oor en weer vir mekaar tong uit te steek. Sederdien is dit sy nuutste party trick en sal hy sy tongetjie uitsteek vir enige iemand van die dokter tot winkelassistent. Huidiglik is hy so opvreetbaar oulik as hy dit doen, maar ons is net so effe bekommerd oor die lang termyn gevolge as ons dit te veel aanmoedig. Hopelik steek hy nie tong uit op sy gradeplegtigheid nie! :-)

Sjjt - ek weet ek is supercute, maar Mamma se jy mag dit nie hardop se nie!

Ek is more-oggend gasvrou vir 'n ooievaarstee. My klein blou-oog skat het hom omtrent verwonder aan die heliumballon wat ek by die huis aangebring het.

7 maande, 1 1/2 weke, Martelize 4 maande

Giggelgogga

2008-12-04T07:04:00.000+02:00

Ek het so baie stories om te vertelle, maar die week is ongelooflik besig. Om te keer dat Ouma Miekie onttrekkingsimptome kry, is hier 'n kort video'tjie van Franco. Die klein prinsie dink die Mamma wat sy magie soen na badtyd is vreeslik snaaks...

7 maande, 1 1/2 week

Blogtoekenning

2008-11-30T11:00:00.000+02:00

Charmaine het vir my 'n blogtoekenning gegee! Sjoe - ek het eintlik maar net die blog begin om rekord te hou van Franco se dingetjies, en nooit gedink dat iemand (buiten familie) sou belangstel om te lees nie. Nou het ek al 'n hele klompie van julle "ontmoet" en dis vet pret. Dis so lekker om kort-kort te lees van wie wat gedoen het - internet maak werklik die wereld 'n kleiner en interessanter plek. (Selfs Gert deel al in die pret - om die dood sal hy nie sy eie blog begin nie, maar kort-kort word hier fotos geneem "vir die blog". hie-hie)

Blykbaar werk die blog-toekenning ding soos volg:

* Kies 5 bloggers vir die toekenning wat jy voel is goeie blogbuddies en wie se blog waarde toevoeg tot die blokgemeenskap, ongeag die taalvoorkeur (dis nou Engels of Afrikaans). Noem hulle name en link na elke blog.

* Elke blogger moet (by aanvaarding van die toekenning), die toekenning op hulle blog wys met 'n link na die naam en blog wat die toekening gemaak het en 'n link na die oorsprong van die toekenning Doing Life.

* Wys ook die reels van die toekenning

5 Bloggers - die moeilik want ek lees nie so vreeslik baie blogs nie, maar hier gaan ons

Franco se Ouma Miekie omdat sy so 'n ster van 'n Ouma is, en natuurlik omdat daar gereeld fotos van die mooiste seuntjie in die wereld op haar blog verskyn. :-)

My sus Thelwyn omdat sy so hard probeer al werk haar rekenaar nie aldag saam nie. En omdat daar sulke pragtige fotos en stories van Franco se favourite niggietjie verskyn! Ek hoop regtig dat jou laptop dramas nou iets van die verlede is.

Charmaine vir haar gereelde kuiers op my blog. Ek geniet haar diepte, haar wysheid en hoe raak sy kan skryf oor haar verhouding met ons Pa.

Sandvlooi omdat sy my eerste blog-maatjie was. En omdat sy ook 'n seuna het wat haar hart se punt is :-)

Kan ek kroek? (Ek lees toe meer blogs as wat ek gedink het!) Sandra het 'n gawe om stories te vertel sodat dit voel asof jyself daar was.

Dit is vir my so ongelooflik dat ons almal op verskillende plekke woon en in verskillende fases van ons lewens is, en tog is daar raakpunte. Ek dink dis omdat dieselfde Gees in ons almal woon dat die verskille so onbenullig lyk.

"Maar al hierdie dinge is die werk van een en dieselfde Gees, wat aan elkeen afsonderlik 'n gawe uitdeel soos Hy wil. Net soos die liggaam 'n eenheid is en baie lede het, en soos al die lede saam, al is hulle baie, een liggaam vorm, so is dit ook met die liggaam van Christus." 1 Kor 12:11,12

Kruipgogga

2008-11-24T19:55:00.000+02:00

Franco kan nog nie kruip nie - but it is not due to a lack of trying! Elke dag is dit net oefen, oefen, oefen vir ons klein prinsie.

Vasbyt Seuna! Ons weet dat jy sommer een van hierdie mooi dae sal uitfigure hoe om die armpies en bene saam te koordineer - en actually vorentoe in plaas van agter toe beweeg! :-)

Hier demostreer Franco sy eie oefenprogram ter voorbereiding van kruip - dis nou vir ingeval daar ander babatjies in blogland is wat ook graag wil kruip. (Sy ouers reken Franco-kyk is meer pret as TV-kyk!)

'n Lekker sterk push-up. Herhaal die op-en-af beweging so 30-40 keer na mekaar. Bonuspunte as jy so sterk kan opstoot dat jy sommer so agteruit skuiwe...en dan jou ouers laat lag omdat jy so gefurstreerd is met die agteruit boerdery.
As die armpies mooi opgewarm is, dan is dit tyd vir die rugspiere. Le op jou magie, en lig gelyktydig die voete en hande in die lug. Swem in die lug terwyl jy vorentoe en agtertoe wieg.
Kniee op, trek onder die boudjies in. Stoei stoei met jou gesig in die matras gedruk. (Goed vir nekspiere). Die word ook die wurmkruip genoem.

Nog 'n voorbeeld van wurmkruip. Wikkel die kniee ver genoeg vorentoe sonder om die armpies te beweeg. As jy dit lank genoeg doen, dan plof jou gesig in die kombers/bank/matras in, en die momentum van die plof is goed genoeg om die bolyf vorentoe te propel. Herhaal soveel keer as wat nodig is om by speelding uit te kom. Slim ne?

Die maak-Mamma-opgewonde-beweging. Trek die kniee op, stoot op met die armpies en vorder so halwe beweging vorentoe. (Onthou om vir die opgewonde Mamma te glimlag - mens wil mooi lyk op die blog!)
Die afwen-beweging. Net na afloop van die maak-Mamma-opgewonde-beweging, gee 'n groot sug en val kaplaks op jou sy. Stoot die beentjie uit, en rol dan eenvoudig waar jy wil wees - soveel makliker!

Franco - jy verskaf jou ouers SOVEEL plesier! Ons geniet dit so om al die mylpale saam met jou te beleef, en staan verstom oor hoe perfek Jesus jou geskape het. Die Vader se vingerafdrukke is orals oor jou! Sterkte vir die kruip-slag - Mamma is seker jy sal dit binnekort regkry! (Jy is klaar so woelig - Mamma hou maar haar hart vas as sy dink hoe jy haar op haar tone gaan hou as jy eers regtig mobiel is). Elke dag kan ons nie vir die Here genoeg dankie se vir die kosbare persent wat JY is nie.

7 maande

Raai wie is 7 maande oud? En wat 'n woeste dag!

2008-11-23T20:41:00.000+02:00

Sewe maande oud!

Sjoe - ons is al in die tweede helfte van sy eerste jaar! Kan skaars glo die tyd glip so vinnig verby...

Boetman jy word sommer nou vinnig groot! Jy sit, jy wurm-kruip, jy hou al 'n bekertjie vas en jy is sommer net jy! Een bondel non-stop baba-dinamo wat altyd aan die gang is. Jy speel jou ouers stokflou! (Maar ons sou dit nie anders wou gehad het nie)

Die skool vertel vir my jy hou nou al selfs jou bottels vas - dit wil Mamma nog sien, want by die huis sal jy klomp dinge vashou maar wil nog soos 'n wafferse prinsie gevoed word. Maar dis maar reg so Seuna - jy word nou so vinnig groot, Mamma geniet nog hierdie gentle reminders dat jy darem nog haar babatjie is.

Vroeg Saterdag-oggend en ons is besig om op die bal te hop! (Ek lyk net bietjie flou na die vorige nag se partytjie)

Ek word 'n groot seuntjie! Pa en Seun Saterdag in Oom Hannes se woonstel

Ek kan nog 'n opstel skryf oor hoe oulik Franco is, maar ons dag het skielik 'n ander wending ingeslaan toe ons na kerk agterkom die geyser het gebars en die spaarkamer is onder water. :-(

Franco was besig om op sy speelmat te speel toe Gert die "wonderlike" ontdekking gemaak het. Toe die chaos begin, het hy op sy magie omgerol en ons bekyk. Die klein klitsie het homself gebreek vir sy ouers wat rondskarrel met emmers en nat goed uitdra. Die lyfie het skoon geskud van die lag elke keer wat ons daar verby gehardloop kom. :-)

Dit was omtrent 'n deurmekaar res van die dag van sukkel met nat beddegoed, emmers wat die wereld rondstaan en loodgieter stories. Ek en Gert is albei stokflou om die minste te se. Ek is baie dankbaar dit het die week gebeur, en nie laasweek toe Franco siek en Gert weg vir werk was nie!

Ons was te besig om van die geyser chaos fotos te neem, maar ons het darem van Franco se eerste swem geneem!

(My ouers het by ons kom eet, en terwyl Gert loodgieters uitgesorteer het, het ek, Ouma Miekie en Franco bietjie in die swembad afgekoel)

'n Stokflou seuntjie modelleer sy hoed wat Ouma Elna spesiaal vir hom gemaak het! Dankie Ouma!

Jaareindfunksie!

2008-11-22T11:54:00.000+02:00

Dit was Vrydag-aand my werk se jaar-eindfunksie. Die jaar was die tradisionele dinner&dance se dress code: Come as a superstar! Enige raaiskote oor wie ons was? :-)

Ps - Franco was baie skepties oor sy ma se reguit hare. Hy het my 'n hele rukkie stip aangestaar voor hy besluit het dis tog ek, en my toe beloon met die mooiste glimlaggies.

Ps 2- Ouma Elna en Oupa Frans was toevallig in ons geweste vir 'n begrafnis. Hoewel ons jammer is oor die begrafnis, was ons baie dankbaar om sulke goeie baba-oppassers sommer in Franco se eie huis te he! Dankie julle! Ons waardeer dit baie

Seuntjies mag ook van pienk hou

2008-11-22T11:28:00.000+02:00

Toe ek Franco Dinsdag by die skooltjie gaan haal toe lyk hy ligpienk van kop tot tone. Die rede? Vingerverf! Seuna het glo 'n voorliefde vir die rooi verf gehad, en homself gate uit geniet. :-) Gelukkig gebruik die slim skool nie-toksiese, wasbare verf!

Vingerverf is soveel pret! Franco het baie om te vertel :-)

Ligpienk handjies, 'n pienk getinte speelpakkie en die kamera-strap!

Wat bedoel Pa pienk is vir dogtertjies? Die karretjie proe dan so lekker!

(Kyk net die woeste water - Franco se beentjies voer alweer oorlog!)

6 maande, 4 weke

Huiswerk gedoen!

2008-11-18T11:56:00.000+02:00

Charmaine het my getag om die meme te voltooi

Sunday Stealing's McDanger Meme

What are your nicknames:
Soms Kleintjie en soms Kabouter – meestal net Dorette

What TV gameshow or reality show would you like to be on:
Amazing Race vir die geleentheid om al daai ongelooflike plekke te sien. Maar ek sal dit heelwat rustiger wil doen, en die ervaring indrink en nie so gejaag nie. Defnitief nie Survivor (ek HAAT rugstekery) of Fear Factor (obvious reasons) nie.

What was the first movie you bought in VHS or DVD:
My trouvideo - slegs omdat dit ‘n troupersent was. Ek was vir meer as 10 jaar lank TV-loos (van ek koshuis toe was in std 8 tot laasjaar toe ek ‘n TV by ‘n sake-ontbyt gewen het) Te veel TV irriteer my nog steeds – ek sal eerder boek lees, as doelloos vir die een-oog monster sit en staar.

What is your favourite scent:
Parfuum: 5th Avenue (My troudag persent van Gert!)
Kos: Warm varsgebakte brood
Die heel beste reuke ooit? Gert se drukkies, en Franco se Elizabeth Anne’s babalyfie

If you had one million dollars to spend only on yourself, what would you spend it on?
Ek sal my werksure minder maak sodat ek meer tyd met my Seuna kan deurbring. Ek sal meer wil reis, en avonture beleef saam met my dierbares. En verder sal ek graag die geld gebruik om ander te bless –there is much joy in helping others!

What is one place you've visited, can't forget and want to go back to:
Praag oor dit so mooi is. En Parys – toe ons daar was, was ek vrot van die griep, die weer was mislik en die staking in die openbare vervoerbedryf het massive verkeersknope veroorsaak. Ek sal graag wil teruggaan en die mooi, romantiese Parys waarvan almal praat beleef.

Do you trust easily?
Ja, en ek het ook al my vingers rooi gebrand. (Ongelukkig ditto Charmaine)

Do you generally think before your act, or act before you think?
Hang af van die situasie. Gewoontlik deurdink ek dinge goed, maar as ek lief is vir die betrokke persone dan praat my hart soms voor my kop kan dink!

Is there anything that had made you unhappy these days?
Franco wat siekerig was. Die misdaad vlaag in my ouers se omgewing en bekommernis oor hul veiligheid.

What is your favourite fruit?
Granny Smith Appels – hoe suurder hoe beter :-)

What websites do you visit daily?
Blogs en Beeld

What have you been seriously addicted to lately?
Ek kuier laaank oor ‘n telefoon – tel dit?

What's the last song that got stuck in you head?
Dit borrel in my, want ek is so bly (Van Franco se Loflaaitjies DVD)

What is your favourite thing to wear?
‘n Rooi en wit toppie – ek voel mooi daarin

Do you think Rice Krispies are yummy?
Nee wat – ek is te gou weer honger daarna! Eerder muesli

What would you do if you saw $100 lying on the ground?
‘n Bank soek om die noot om te ruil! Hie-hie
Waarskynliker? Dit optel as niemand anders lyk of hulle dit soek nie. Dit dan in my beursie bere vir weke voor dit sal oorskuif na ons “Oorsese Geld” beursie en droom van eendag weer “oorsee” gaan…

What items couldn't you for without during the day?
My middagete :-) My bloedsuiker is laag, en daarom moet ek gereeld knibbel anders voel dit ek gaan omkap.

What should you be doing right now?
Ek wag vir ‘n verslag wat hardloop – so ek werk tegnies nogsteeds! (Maar ek kon seker bietjie liaseerwerk ingehaal het)

Ek tag vir Ma Miekie as sy tyd het en almal wat nog wil speel!

'n Paar (effens minder) oulike goedjies wat Franco deesdae doen

2008-11-16T17:19:00.000+02:00

Net eers - Franco is soveel beter! Prys die Here! Dit was Vrydag laas nodig om enige koorsmedisyne te gee, en te oordeel na die gelag en gesels gister en vandag sou mens skaars kon glo hy is eintlik 'n siek babatjie.

Ek is 'n seuntjie-seuntjie! Julle dink ek is nog siek, maar my kop is al klaar vol plannetjies!

Franco is so oulik, ons wil hom net heeldag opsoen en opdruk. Daar is egter deesdae die een of twee effens mindere oulike dingetjies wat hy ook aanvang...

1) Franco knyp mens! Dis wonderlik dat hy die "pincher's grasp" so goed bemeester, maar minder wonderlik as hy sy nuwe vaardigheid op jou bobeenspier/wang/watookal uitoefen. Daai twee vingertjies kan nogals stewig vasknyp.

2) Tesame met die knyp vaardighede, kan Franco deesdae ook "love bites" uitdeel. Hy het nou die dag tydens selgroep my arm sopnat gesoen/-suig en ek het hom maar laat begaan. Ek was salig onbewus van die blou kol todat iemand by die werk my daaroor uitgevra het.

3) Franco het 'n liefde vir oorbelle en brille ontwikkel. Dis al lankal wat Ma se lang hare en hangertjies om die nek groot teikens is vir handjies om te gryp, maar die afgelope week of wat het oorbelle en brille ook die lys van "Begeerlike Dinge om te Gryp (BDG)" gehaal.
"Boetman, Mamma kon nog haar hare vasmaak, en die juwele vir eers wegbere maar sy het regtig haar bril nodig om te kan sien waar sy loop! Vir jou eie veiligheid sal Mamma dit dus waardeer as jy haar bril uitlos, en nie kraai van die lag as jy dit by die trap afgooi terwyl sy jou dra nie!"

4) Ander dinge wat ook die BDG lys gehaal het sluit in die kamera en Pa se borshare (Glo nie Gert sal ooit weer aanbied om Franco se bottel te gee voordat hy sy hemp aangetrek het nie :-)

Gee daai kamera bietjie hier seblief man! Ons klein blou-oog met die lang wimpers (nes sy Pappa!)

5) Franco se nuwe manier om aan te kondig dat hy klaar ge-eet is, is om die laaste happie prrrrt uit te spoeg. Als binne tref-afstand (sy kleertjies,die tafeldoek, my klere en bril) verkry dus sigbare bewyse van wat ons ge-eet het. En as ek in my kwaai stem probeer raas, dan dink die klein Prins dis uiters snaaks en lag uit sy magie uit...

Gelukkig outshine Seuna se oulike kwaliteite by verre die paar klein effens lastige goedjies! Ons ry perdjie en speel "Was hy - das hy!" dat dit so klap. Franco sit AL langer stil en speel met sy speelgoedjies. Hy doen opstote, hy wikkel met die beentjies en het dit vandag selfs reggekry om te begin leopard crawl agter sy geliefde balle aan! Ons geniet hom SO-SO baie, en kan skaars ons lewe indink sonder die kleinman in ons lewe.

Die ene konsentrasie met sy aktiwiteitsspeelding

Dankie Here vir so spesiale klein seuntjie! Dankie dat U die Geneesheer was wat hom gesond gemaak het! Dankie dat hy soveel vreugde in ons huis bring, ons harte wil sommer bars so vol is dit. Here, help ons om die uitdagings van ouerskap ook so te hanteer soos wat U wil he ons moet. Help ons seblief om altyd U voorbeeld na te streef, en dat Franco selfs wanneer ons moet raas en kwaai wees nogsteeds die liefde wat ons vir hom het sal ervaar. Dankie Here dat ons kan liefhe, omdat U ons eerste liefgehad het.

6 maande, 3 1/2 weke

Skoon siek van verlange!

2008-11-14T06:57:00.000+02:00

Gert het 'n besigheidstrip van 'n paar dae gehad. Boeta het so na sy pa verlang, dat hy sommer op aand 2 ewe skielik siek geword het. :-( Mamma het gedokter en gesus en getroos so al wat sy kan, maar dit was een moeilike nag.

Siektes kom natuurlik op dae wanneer dit die minste pas. Daar mis Franco toe sy heel eerste skoolkonsert (waarvoor ons ten duurste kaartjies gekoop het!) en gaan nou nie op sy klasfototjie pryk nie (waarvoor ons ook al betaal het). Die arme ander ouers - dink julle hulle sal vreeslik teleurgesteld wees as hulle agterkom die mooiste seuntjie in die klas is toe nie op die foto nie? :-)

Donderdag was die braking darem onder beheer, maar die koors wou nie wyk nie - toe gaan kuier ons maar vir tannie Dokter. (Dankie vir nudge, nudge Ouma Miekie!) Diagnose? Mangelontsteking! En Franco se heel eerste kursus antibiotika.

Ek en Franco het omtrent die happy dance gedoen toe Gert gisteraand by die deur instap! Nog 'n paar hande kom nogals handig te pas as mens stoei om medisyne in 'n kleine seuntjie in te kry. 5ml is darem 'n woeste lot medisyne om binne te kry! (En dan is daar nog 3 ander medisynes wat ook hul beurt moet kry!)

Die bietjie antibiotika wat 1) nie uit die druppertjie geloop het voor ons die mondjie kon oop forseer nie, en 2) nie onmiddellik in ons gesigte teruggespoeg is nie en 3) nie so 60 sekondes na die hele gedoente opgebring is nie - daai bietjie antibiotika lyk darem of dit help. :-) Gisteraand was 'n baie beter nag! My wereld is 'n soveel beter plek as my beste maatjie in die omtrek is!

Darem maar snaaks hoe reuke herinderinge terugbring? Ek dink ek het laas Ponstan en yskas-antibiotika geruik toe ek nog die kleine pasient was. Is net seker ek het nooit my ma so laat suffer met die medisyne gee nie - ek het mos altyd alles baie mooi gedrink, ne Ma? ;-)

6 maane 3 weke

My eerste sippy cup!

2008-11-11T17:53:00.000+02:00

Franco drink deesdae sy bottel, maar dit gaan maar baie langtand. Die klein meneertjie verdra slegs Pigeon botteltiete en slegs formulemelk in 'n bottel. Geen water of borsmelk uit 'n bottel vir hom nie! En moenie eers probeer om enige ander botteltiet as Pigeon te probeer nie - geen Nuk, Avent, Baby Club of enige iets anders werk vir die fynproewer nie.

Die klinieksuster wil graag he hy moet meer water drink, en die skooltjie is gretig dat Seuna sy eie bottel begin vashou, maar Franco doen dinge op sy manier en op sy tyd :-) Vanaand het ek op die ingewing van die oomblik besluit om die sippy cup nader te trek. Het die bekertjie eers net met water vol gemaak want ek was seker Boeta sou dit net rondswaai en als bemors sonder om iets te drink. Was ek verbaas toe hy nie net die bekertjie mooi vashou nie, maar ook so ewe 'n hele paar slukke water drink!

Wat is die speelding? Nes Ma gedink het, word die bekertjie met gutso rondgeswaai...

Maar ek het begin regkom toe Mamma my op haar skoot tel en help om reg te mik. Amper daar...

Sjoe Mamma! Ek weet jy wil op die blog spog oor hoe mooi ek die bekertjie vashou en selfs die water drink, maar die flash is bietjie erg!

As ek geweet het dit sou so goed afloop, sou ek vir Gert gewag het om huis toe te kom. Dis nogals 'n uitdaging om 'n wriemelende baba op die skoot te hou, te wys hoe werk die bekertjie en nog 'n kamera te hanteer! Maar fotos moes ons he :-)

6 1/2 maande

Konstruksie-ingenieur

2008-11-09T20:13:00.000+02:00

Ek dink daar is te veel ingenieursbloed in hierdie seuntjie se are! Nes sy pa, oom en oupas moet Boeta alles inspekteer, en die limits toets van enige iets. (Hy is bv baie meer geintresseerd in sy swaaitjie se hoogte-verstellingsmeganisme, as in die eintlike speelgoed voor op die skinkbordjie). Vroeg Sondag-oggend was dit die speelgoedraam se beurt...

Wie wil nou met die speelgoed speel as jy die hele raam kan rondskuif aan sy poot? (En dan stom verbaas wees wanneer die hele kontrapsie omval)

Net gou eers die boumateriaal inspekteer

Ha! Net hier is die fout - maar dis niks wat 'n bietjie timmer nie kan regmaak nie

Ps - Verskoon tog maar die frokkie. Die fotos is voeg Sondag-oggend (4h45!) geneem toe Boeta nie meer wou slaap nie, en daai tyd van die oggend het niemand nog lus om te lol met oulike kleertjies nie. :-)

Ps2 - Sou dit nie great wees as ons almal elke oggend met soveel entoesiasme kon wakker word nie? Seuna se glimlaggies maak selfs die vrek vroeg opstaan die moeite werd - ek kry skoon skaam as ek dink hoe dikwels moet my Vader in 'n grumpy gesig vaskyk as ek opstaan.

6 maande, 2 1/2 weke

Oulike goedjies wat Franco deesdae doen

2008-11-08T07:34:00.001+02:00

Ons het nog nie kon fotos kry van al die oomblikke nie, maar ek is bang as ek dit nie nou neerskryf nie en ons kry nooit 'n foto nie dan gaan ek dit vergeet. :-)

* Franco is 'n opgaarder van speelgoed. Hy sal dikwels op sy magie op die speelmat le en met sy twee armpies alle speelgoed in sig bymekaar maak. Op die ou end speel hy nie regtig met een ding nie (behalwe om alles groot-oog aan te staar) en le so half bo-op baie van die speelgoed - kan nie dink dat dit gemaklik is nie. :-) Le hy weer op sy ruggie op die mat, kry mens hom dikwels met 'n speelding in elke hand, en dan skop-skop die voete ook nog na speelgoed. Als "rattle and shake" en tussendeur lewer Franco ook nog deurlopend kommentaar!

Franco hou voorraadopname van sy speelgoed

* In die bad het die vreeslike geskoppery vir eers 'n bietjie afgeneem. Dit lyk nou eerder of die fokus is om soveel as moontlik badspeelgoed te "vang" in die hok tussen sy twee beentjies en die bad se rand.

* Al is hy so groot opgaarder van al die speelgoed, het hy fase waarin daar duidelike gunstelinge is! Die week is dit sulke deurskynende plastiekballe waarin daar sulke blink goedjies is wat fladder. Tot op hede, kon hy al mooi speelgoed vashou maar het gesukkel om 'n ronde voorwerp te "grip". Die week kon hy die balle met een handjie begin vashou, en hy was SO trots op homself! Die balle kan dryf ook, so dit wissel tussen op die speelmat of in die bad. Gisteraand het hy die een bal in die bad beetgekry, en so onder die arm vasgeknyp. Al die fokus was op sy speelgoed in die "hok", maar die bal moes onder die armpie vasgeknyp bly. Sou die balletjie laat val word, word die bewaking van die ander speelgoed eers gestaak todat bal weer op sy plek is. Dan is daar van nuuts af begin om die speelgoed te "vang".

Kyk Mamma! Twee balle gevang!

* Franco hou van hop! Ons het 'n joga oefenbal in die huis, en ons doen gereeld met Seuna oefeninge daarop om sy spiertonus en balans te verbeter. Ons Blou-oog het egter nie veel trek vir die stadige hop-hop sirkelbewegings soos deur die arbeidsterapeute gedemostreer nie. Hy gebruik veel eerder die bal soos 'n trampolein en spring-spring self met sy beentjies daarop (Ek moet net die bal vasknyp tussen die kniee anders trek die bal doer) Groot bederf is as ek of Gert hom so sittende op die bal vashou en hy kan hop. Hoe woester hoe beter.

* Franco begin Waar's hy?-Daar's hy speel! Sy hele gesig glimlag sommer saam as hy jou weer "kry". Dis mos om 'n Ma se hart te laat smelt...

Daar is Franco!

6 1/2 maande

Martelize se doop

2008-11-03T22:06:00.001+02:00

Martelize is Sondag-oggend gedoop. Sy was 'n stroopsoet baba wat regdeur die hele seremonie geslaap het, en niks eers gehuil het toe die Dominee water op haar kop drup nie! En deur die hele teepartytjie en als was sy so rustig en ontspanne! Hierdie tannie is sommer BAIE trots Die ster van die dag in haar dooprok. Lyk sy nie te fraai nie?

Niggie en nefie (Franco is mal daaroor om aan Martelize te raak - hy kan hom verkyk aan haar!)

Tel ons op! Tel ons op!

Ai man! Dit was so spesiaal, en het my sommer terug gevat na die dag toe ons vir Franco ingeseen het, en Martelize 'n skrale 12 daggies oud was! Die tyd vlieg darem maar so vinnig...

Jesus, die tyd vlieg so vinnig en daar is soveel kosbare oomblikke met die kleingoed saam. Maar ek hoop ek word gespaar om eendag die grootste van die groot oomblikke saam met my kind te mag beleef, en dis die dag wat Franco (en Martelize!) vir U sal kies om saam met U journey. Gee asb dat hulle inseening/doop meer sal wees as net 'n groot dag met mooi kleertjies aan, en dat hulle eendag die beloftes wat ons as ouers gemaak het verder sal vat, en self kies om Koningskinders te word. Dankie dat U vir elkeen van ons, groot en klein se sondes gesterf het.

Franco - 6 maande 2 weke

Martelize - 3 maande 1 week

Lee-Anne word twee jaar oud!

2008-11-03T20:40:00.000+02:00

Saterdag-aand was dit Franco se kleinniggie se tweede verjaarsdag. Lee-Anne is die jongste kind van Peter en Onja. (Onja is Gert se niggie aan vaderskant). Ek leer baie "tricks of the trade" by Onja, en ons is maar te dankbaar vir al die hand me down speelgoed en klere!

Lee-Anne is een skattige bondeltjie energie wat haar verjaarsdag vreeslik geniet het.

Die verjaarsdagmeisie (Die pleister op die arm is omdat sy haar knie gestamp het, maar op 'n pleister op haar ARM aangedring het om die eina beter te maak)

Geskenke oopmaak is soveel lekkerder as mens die papier maar kan skeur! (En na die tyd speel hulle lekkerder met die papier en bokse as met die eintlike persente ne)

Franco wonder waaroor die bohaai gaan. (Toemaar Boeta, een van die dae is dit Kersfees en dan sal jy gou-gou leer van die wonder van persente!)

6 maande, 2 weke

Raai waar was ons? En raai saam met wie?

2008-11-03T19:28:00.000+02:00

Gert moes 'n paar dae verlof neem voor einde Oktober anders sou hy dit verbeur. Ek het toe ook verlof ingesit, en ons het toe vir Oupa Frans en Ouma Elna genooi om by ons te kom kuier! Die sterre van 'n oupa en ouma het al die pad met die bus gekom!

Hannes het toe ook verlof ingesit, en ons Dieretuin uitstappie kom meemaak. (Na Sandvlooi se vertelling was ons ook lus om te gaan) Groot pret! Veral toe tannie Thelwyn en Martelize ook nog saamgekom het!

Die uitstappie het wonderlik afgeloop, ten spyte van die warm son. Franco is nog bietjie klein, maar het wel van die diere (flaminke! apies! papegaaie!) wat die regte hoogte was en genoeg beweeg het groot-oog aangestaar. Te cute vir woorde!

Ons prossesie met die twee babawaentjies het natuurlik ook heelwat aandag getrek. Gelukkig was altwee babas stroopsoet, en kon ons te lekker met hulle spog! (En nee - ek en Thelwyn is nie 'n tweeling nie. En die enderste kleur T-hemde was nie beplan nie!)

Sonblok aan en hoedens op die kop! Oupa Frans, Ouma Elna met Franco, Dorette (Franco kyk net flaminke) Gert en Franco kyk vir die apies Thelwyn met Martelize

Doekparade in die buitelug!

Dis lekker in die Dieretuin! Oom Hannes en Franco

Martelize is min beindruk nadat Franco haar rateltjie gesteel het.

(Sussie, jy moet maar vinnig grootword - anders gaan hierdie nefie van jou al jou speelgoed steel. Sy mamma kan nie altyd gou genoeg keer nie, so jy moet hom maar beginne vasvat hoor!)

Twee ewe groot apies! :-)

Martelize was nog 'n bietjie lugtig, maar ander apie was vreeslik ingenome met Martelize! Hy het omtrent haar voetjies en hande teen syne gemeet en probeer uitmaak wie is die grootste. Hy dink seker ook sy is die pragtigste dingetjie!

Wie lyk die moegste? Ouma Elna, Oupa Frans en Franco

Stokflou geloop na 'n lang dag. Oupa en kleinseun, Gert, Hannes en Thelwyn

Dit was so spesiaal om hierdie "eerste" met Franco se ander Oupa en Ouma te kon gedeel het. Hulle bly gans te ver, en die paar keer 'n jaar is heeltemal te min! Telefoonkuiers is mos maar nie dieselfde as die ware Jakob nie. Dis altyd super lekker om hulle hier te he. :-)

6 maande, 1 week

Speelgoedkaskanades!

2008-10-30T07:34:00.000+02:00

Franco het 'n klomp nuwe speelgoed ontdek die week!

Dinsdag was dit 'n koerant wat mens kon frommel en skeur Wie loer hier uit? (Ek moes net keer - want Boeta wil als in sy mond druk!)

Die voetjies het gedeel in die pret

Woensdag was dit die tupperbakkie waarin die spaar foppie gehou word

Kyk al my ander speelgoed, maar ek wil eerder met die bakkie speel

Dis 'n anderste rateltjie die!

6 maande, 1 week

Raai wie bad nou in die groot bad?

2008-10-26T21:12:00.000+02:00

Franco pas nog net-net in sy bababadjie, maar die beentjies skop-skop so dat als naderand sopnat is. So van die week af, is dit bad in die groot bad vir die klein prins!

Badtyd is vet pret!
Sal die tandjie beter voel as ek die handdoek kou?
Wat gaan daar aan?

(Mens moet deesdae jou storie ken as jy doek omruil en klere aantrek - Boeta is 'n wikkelwurm wat die wereld vol rol)

6 maande 5 dae

Curriebeker senuwees!

2008-10-26T15:47:00.000+02:00

Franco het gister sy eerste Curriebeker eindstryd beleef! Oupa Jan (en die res van ons!) geniet nogals sy rugby, en gister het ons gister het ons op die plaas gaan kuier om saam met Oupa ons span te ondersteun. Ongelukkig het die Blou Bulle 9 - 14 teen die Sharks verloor, maar dit was nogsteeds 'n lekker dag en kuier!

Oupa Jan en sy Bulletjie (Kyk Franco se rugbyballetjie!)

Aww, aww! Die spanning is eens te erg...

Sjoe! Uiteindelik verby! Ons klein drool machine :-)

6 maande, 3 dae

Die ideale "teething toy"!

2008-10-26T09:19:00.000+02:00

Ek,Thelwyn en my ma was gister by Karin se ooievaarstee. Karin en Thelwyn is ewe oud, en ons was vir 17 jaar lank bure gewees! Ek, Thelwyn en Hendrik en Karin en Adriaan het so saam-saam grootgeword. :-) Dit was so spesiaal om hierdie vreugdevolle afwagting na Marko se klein boetie met haar te kon deel.

Franco en Martelize was ook saam, en was albei die soetste, vriendelikste babatjies wat 'n mamma maar voor kan wens. (Dit moet seker die goeie gene wees!). Franco stoei al 'n rukkie met sy eerste tandjie (hopelik die keer regtig-egtig!) wat moet deurkom, en het besluit Martelize se hand is net die regte ding om aan te kou. (Gelukkig is daar nog nie 'n tandjie wat gesny het nie - anders sou sy verseker geprotesteer het!)

Mmm...sal ek my eie hand gebruik?

Kom ek probeer twee hande gelyk...nee...wil nie lekker werk nie..

Het hom katvis! Net die regte grootte, en niks seer nie!

Sheez! Al daai vroumense! Baby showers is harde werk vir 'n klein prinsie

Franco 6 maande 2 dae, Martelize 12 1/2 weke

6 Maande Oud!

2008-10-26T09:14:00.001+02:00

Franco was Donderdag 'n halwe jaartjie oud! Wow! Oor nog 6 maande Boeta is jy al EEN!

Hierdie maand het goed beginne - ons roetine van skool, werk & huis het begin vlot, jy het jou bottie mooi begin drink en begin beter regkom met die vaste kossies.

Maar o wee - toe tref die groot siekte ons huisgesin. Eers jy, toe jy en Mamma en net toe ons twee begin beter word toe word Pappa siek! Hier was omtrent omgekrapte magies, loopneuse en gehoesery in die huis. Gelukkig het jy twee ervare oumas wat jou dom ouers kon bystaan met raad en daad (en baie bid!) oor hoe om jou gou-gou weer gesond te kry.

Toe jy eers weer gesond is, toe is die lewe 'n fees! Jy lag en giggel en gesels en is net so oulik - ons wil jou sommer opvreet! Jy het ewe skielik besluit dat jy 'n honger seuntjie is, en kossies is nou 'n groot deel van die dag vir jou. Die pap is verseker beter as die butternut en groenboontjies, perskes is ok en pere is een groot groot bederf. Jy klink nes 'n motorkar soos wat jy ontevrede geluidjies maak as ons te lank vat om weer te skep en die volgende mondvol te voer.

Boeta boet, Goggabie, Seuna, Franco-Frank, Pa se bieliebam en Ma se Hart-se-punt - ons is SO SO lief vir jou! Elke dag kan ons die Here nie genoeg prys vir die wonderwerkie wat JY is nie. Jy is so perfek geskape, en is so 'n vriendelike seuntjie - dis 'n voorreg om jou ouers te wees. Ek en Pappa bid gereeld dat ons aanhou by ons Pa sal leer om net nog beter ouers vir jou te wees, en jou hopelik eendag na Hom toe kan lei.

6 maande oud vandag!

Kyk hoe groot word ek!

Speelgoed is soveel pret!

En Franco se naweek by Ouma en Oupa?

2008-10-20T05:52:00.000+02:00

Vir die wat eerder fototjies van Franco as ons wil sien :-)

Kyk bietjie hier wat het Ouma Miekie als geskryf oor sy naweek.

Groot Vyf!

2008-10-19T21:03:00.001+02:00

Gert se werk het ons vir die naweek uitgenooi na 'n la di da lodge op 'n privaat wildresevaat. Ons is omtrent bederf met heerlike kos, uitstekende diens en wildbesigtigingsritte uit die boonste rakke! Ons het selfs al vyf van die Groot Vyf gesien!

Al nadeel? Franco was nie genooi nie, en moes die naweek by Ouma Miekie en Oupa Jan kuier. Ek weet hy kon nie vra vir meer toegewyde en liefdevolle oppassers nie, maar ek het my doodverlang, en kon Sondag nie vinnig genoeg by die plaas uitkom nie.

Aan die positiewe kant, het ek en Gert heerlik saamgekuier en pret gehad. (En ons eerste deurnag slaap in 6 maande se tyd was hemel op aarde!)

Afrika op sy mooiste
Daar is geen heinings om die lodge nie, en die wild het sommer naby naby kom wei
Saterdag-oggend net buite ons kamer

Sondag op pad huis toe.

Daai miershoop in die middel is eintlik die maanhaar van Koning Leeu. Belowe!
'n Renosterkalfie onder die wakende oog van sy ma. (Weet julle hoe het sulke gesigte my laat verlang na MY babatjie?)

Olifante was volop en pragtig

'n Buffel soek skadu

Luiperd se kind uit op jag! Slegs 'n entjie verder was 'n troppie ribbokke wat sy bekruip het. Die hoogtepunt van die naweek! (Sy wou nie haar move maak met ons in die omgewing nie, maar dit was vreeslik opwindend die ruk wat ons doodstil vir haar gewag het om op te spring)

Dankie Here vir so 'n spesiale bederf naweek! Dankie vir 'n Ouma en 'n Oupa wat lekker naby ons bly, en nog kans sien om 'n kleinseun 'n hele naweek lank te bederf met hul liefde. En Here Wow! U skepping is wondermooi!

Die inval van die geel...

2008-10-12T21:01:00.001+02:00

Na so baie van siek wees, het die plaas se mense darem vreeslik verlang na die klein prinsie! Ons het vanmiddag daar gaan kuier, en dit was 'n full house met al 3 ons kinders, 2 skoonseuns en 2 kleinkinders almal daar!

Franco in sy safari uitrusting. Kyk, die leeus op my foppie pas by die op my pakkie!

Ouma Miekie, Franco en Martelize het almal toevallig geel klere aangehad vir die dag. Ons moes 'n fototjie neem (al lyk juffrou se fraaie rokkie witterig op die foto)

Oupas is soveel pret!

Franco reken hy het die jackpot gewen om langs so 'n mooi dametjie te kan posseer. Martelize oefen solank haar royal wave.

O wee! Dit gaan seker ook nog baie gebeur! Martelize besluit twee foppies is beter as een...

Franco weer wil ook sulke mooi haartjies he!

Ons kan darem maatjies ook wees!

Dankie Here dat ons almal al soveel beter is dat ons weer kon gaan kuier. Dankie vir familie wat almal ook lief is vir ons Seuna! En dankie dat Franco 'n grootword niggietjie kan he. Ek bid dat hulle nog sommer groot maats sal word, wat vir mekaar tot seen sal wees. Jesus, U is so goed vir ons! Ek loof U naam!

Franco 5 1/2 maande, Martelize 10 1/2 weke

Oom Hannes het kom kuier!

2008-10-12T20:56:00.000+02:00

Hannes (Gert se broer) het Vrydag-aand bietjie kom inloer, en Franco nog wakker gekry!

'n Middag in die tuin

2008-10-10T16:25:00.000+02:00

Gert werk slegs half-dag op Vrydae, en ek het bietjie vroeer geloop by die kantoor vandag. Ons het voordeel getrek uit die mooi weer, en ons eie impromtu mini-piekniek in ons tuintjie gehou!

My sittery vorder!

My voete is deesdae permanent in die lug

Die tuin het interessante speelgoed!

Mens kan dit selfs met jou voete vashou!

Mamma was ook daar

Pappa se baard is interessant

Is egter nie so seker van hierdie gras ding nie

5 1/2 maande

Twee handjies en twee voetjies om die Heer te dien

2008-10-05T15:57:00.000+02:00

Franco het 'n hele swembadjie vol speelgoed - als deeglik nagevors vir hul opvoedkundige eienskappe, maar niks kom deesdae by twee handjies en twee voetjies nie. Liewe Jesus speelgoed bly maar die beste!

In die huis deel ons allles! :-)

2008-10-05T15:31:00.000+02:00

Tot heellaas ook die kieme! Laasnaweek het ons te vroeg optimisties begin raak - duidelik was ons novices met die siekwees ding, en min het ons geweet wat wag....

Franco se maagkiem het Sondag die wyk geneem, en hy was Sondag-aand so vrolik ons dag ons is home safely! Sondag-nag het die toe-neus van alle toe-neuse vir Boeta getref, en Maandag-oggend toe word ek die ene koue koors wakker.

Ek het probeer dapper speel en werk toe gegaan (ons is vreeslik besig by die werk, en baie van die projekte staan al maande en wag vir my terugkeer van kraamverlof af, die eksterne konsultante kan nie aangaan sonder my insette nie ens ens). Elke geval, het Maandag so 2 uurtjies gehou en toe maar huis te gekom. Dinsdag-oggend het ek net 'n vergadering gaan bywoon en toe maar weer in die bed kom klim...

Gelukkig is dit nou skoolvakansie, en was Ouma Miekie 'n groot hulp! Sy het Maandag, Dinsdag EN Woensdag haar vakansie opgeoffer om na die prinsie te kyk sodat ek net kon slaap. Ook het sy vir my en Boeta Dinsdag dokter toe gevat (Franco se nuus was goed, maar ek was sommer die heelweek afgeboek en moes antibiotika kry). Dankie Ouma!

Franco is Donderdag terug skooltjie toe - net sodat hy van voor af kon begin opgooi. :-( Dus was ons Vrydag en Saterdag toe maar fisio toe om bietjie die slyme uit te stoom en uit te klop. Dit lyk darem of dit help - dis weereens Sondag-middag en dit lyk of dit beter gaan!

Ek hoes en proes nog soos 'n tweedehandse trekker, maar sal darem more kan gaan werk. Net jammer Gert het gister-oggend die ene koue koors wakker geword...

(As mens die koste van die dokter, fisio en medisyne ignoreer, kan so siekte nogals ekonomies raak. Dis nou al die tweede naweek in 'n ry wat ons uit die winkels wegbly en niks spandeer nie!)

O wee! Ons eerste siekwees :-(

2008-09-27T11:29:00.000+02:00

O toggie! Wat 'n nag! Dit was Boeta (en sy ouers) se eerste ervaring van siek wees, en dis niks lekker nie.

Van gistermiddag so 17h se kant, het ons kleine prinsie al sy melkies vir ons teruggestuur. Deur die nag het dit net erger begin word (ek en Franco is elkeen deur 3 stelle pajamas, en tussen-in het die sitkamerbank, sitkamermat, Boeta se beddegoed en ons beddegoed als ook deurgeloop. Dis net Gert wat dit reggekry het om ongeskonde daarvan af te kom!)

Vanoggend het ek douvoordag Ouma Miekie wakker gebel vir bietjie raad en ondersteuning, en die pediater net na haar. Die diagnose? 'n Aaklige maagkiem wat glo die rondte doen - volgens die dokter behoort die kieme so tussen 24-48 uur hulself uit te woed.

Gert is gou apteek toe met die dok se lysie, en vandat Seuna sy medisyne in het gaan dit al heelwat beter. Ons ruil nogsteeds doeke asof dit uit die mode gaan, maar dit borrel darem nie meer bo uit nie, en die koors lyk of dit gebreek het. Dis omtrent 'n gedoente met probiotikas en elektroliete elke 2 uur, maar dit lyk darem of dit help! Gert het gewys watse oulike pappa hy is, en self Boeta se eerste set-pil ingesit. Franco doe-does omtrent al heeldag, en ek werk my pad oop deur die bondels wasgoed.

Het gisteraand na die eerste bad-sessie vir Boeta probeer opbeur met borrels

Konsentrasie

Maar die klein prinsie het maar oes gevoel

Dankie Here dat U die groot geneesheer is. Dankie dat ons as ouers net ons bekommernisse, en vrese by ons Pa se voete kan kom sit en uitpraat. Dankie dat ons weet Boeta se gesondheid is in U hande, en dankie vir Oumas en Dokters wat kan moed inpraat. Dankie Jesus dat dit al soveel beter gaan! Dankie vir glimlaggies en geselsies wat terugkom, en sommer net vir al die liefde. Ons loof U naam!

Braaidag op die plaas

2008-09-26T20:51:00.000+02:00

Woensdag was Erfenisdag, en ook nasionale braaidag. Ons het voordeel uit die vakansiedag getrek, en op die plaas gaan kuier en braai. Tannie Thelwyn met Martelize was ook daar!

O, hallo daar!

The Bold and the Beautiful

Kleine voetjies! Franco 5 maande, Martelize 8 weke

5 Maande oud!

2008-09-26T20:05:00.000+02:00

Ek kou die wiele van my eerste karretjie! Dankie Ouma Miekie vir my persent!

Franco was Dinsdag 'n volle 5 maande oud! Waar het die tyd heen gegaan? Dit voel soos gister wat ons giggelgoggas was toe ons uitgevind het jy is op pad, en nou Boeta is jy al klaar hier en 'n mensie uit eie reg!

Die maand was die eerste wat Mamma terug was by die werk, en jy moes skooltjie toe. Die mense by die skooltjie is vreeslik in hul skik met jou - almal vertel vir ons dat jy die gemoedlikste babatjie is wat so lief is om te glimlag! Hulle kyk glo skaars in jou rigting, dan flash jy al daai smile(Dis mos hoe ons jou ook ken!)

Ons het gestoei om jou uit 'n bottel te laat drink, en gelag vir jou pogings om bietjie butternut en pampoen te eet. Dis nogals 'n storie om die tydsberekening reg te kry en die lepeltjie in jou mond te kry op die regte oomblik! Sover vaar Pappa bietjie beter as Mamma, maar Mamma leer vinnig!

Jy het die maand jou voete ontdek - dis eintlik te dierbaar vir woorde. Dis nie dikwels dat jy jou voete bykom nie, maar jy het al by geleentheid! Jy aard seker na Pappa - hy kan ook nie sy tone raak nie! :-) Meestal hou jy jou bobeentjies vas, en staar verwonderd na die oulike goeters met 10 toontjies aan daarbo. Doekomruil is nou ietwat moeiliker - en ek en Pappa moet ons storie ken om jou doek omgeruil te kry met jou bene wat so skop-skop in die lug.

Badtyd bly 'n groot treffer al moes ons dit vroeer skuif in die aand. (Jy speel so lekker by die skool - jy is doodmoeg in die aande! Die eerste week het jy omtrent aan die slaap geraak terwyl ons jou bad) Een van die lekkerste tye in Mamma se dag, is die Bybelstorie net voor slaaptyd. Jy sit so snoesig op my skoot, en verkyk jou aan die prentjies van Noag, Josef en al die ander - dit lyk of jy lief is vir boekies.

Ai my kind! Mamma kan nog aangaan en aangaan oor hoe oulik jy is! Jy bring groot vreugde in ons huis! Ons is die Here so dankbaar dat hy jou vir ons leen om groot te maak. Ons is baie, baie lief vir jou!

Kyk my mooi blou oe!

Ek is 'n happy baby!

So waar!

2008-09-25T12:35:00.000+02:00

'n Vriendin van my (ook 'n nuwe mamma) het die volgende vandag vir my ge-email. Ek kan nogals identifiseer hiermee! Ek dink ook Franco is die mooiste, slimste, oulikste seuntjie op hierdie aardbol. :-)

"My mother loves to tell the story (and I love to hear it) about how, when she was in hospital (“the nursing home”) just after my birth, she would look at the other new mothers and feel such a sense of compassion and pity for them. The poor dears, their newborns were no where near as beautiful as hers, they must be feeling terrible.

I’ve always been very conscious about NOT being one of those parents who are blinded by parental love and who believe that their little Johnny or Susie is just THE most beautiful and clever and talented and gifted child in the universe. I am sure all parents think their offspring is the best.

However, I understand where my mother was coming from. I don’t mean to rub it in, and this is totally objective of course, but damn, my kids are remarkably intelligent and exceptionally good-looking. They get that from me, you know.

We had some kids over to play on the weekend and I said to Marko, “now be honest, tell me that our children aren’t exceptionally gifted in comparison!?” He replied “you know, you are right. And it is not just us who say so, other people (my mom, his mom) say so too!”

I feel sorry for those other kids, poor things. No where near as gorgeous and skilled as mine, but not to worry, I am sure they have a really lovely handwriting. "

Wat is so spesiaal aan Donderdae middae?

2008-09-22T19:57:00.000+02:00

Ouma Miekie!

My ma gee tuisonderrig vir 'n baie spesiale dogtertjie. Sy was laasjaar Tammy se klasonderwyseres by die spesiale skool, en het so goeie indruk gemaak dat Tammy se ouers haar gevra het om te kom tuisonderig gee. Sy is so goeie juffrou dat hulle haar nie wil deel nie! Baie trots op hierdie ma van my!

Soms werk sy voldag, maar party dae is sy so gelukkig om net halfdag te werk. Die laaste twee Donderdae-middae het Ouma Miekie gekies om haar af-middae saam met Franco deur te bring! Sy gaan haal hom by die skooltjie, en bring hom dan huis toe waar hulle heerlik saam speel. (Ekke kan net fotos na die tyd sien - is skoon jaloers so lekker lyk dit!) Sy vertel bietjie beter as ekke - so gaan lees bietjie hier en hier

Ouma jy is 'n ster! En Franco kuier so-so lekker by jou! Hoe gelukkig kan 'n kleinseun dan wees?

Vol glimlaggies oor ek by Ouma kuier!

21 weke

Boeta se tong

2008-09-21T16:44:00.001+02:00

Het julle al gedink hoe baie bewegings ons tonge maak? Franco leer nog: as mens borsvoed moet jou tong voor in die mond wees. Amper dieselfde vir botteldrink, maar tog bietjie anders. Vir spoegborrels moet jou tong so tuit maak, en as mens eet moet jou tong weer agter in die mond wees!

'n Nuwe trick wat ons Prinsie so in die laaste week of wat geleer het is om sy tong te klap! Dink dit moet van die skooltjie af kom, want sover ons bewus is, is dit nie iets wat ek of Gert eintlik doen nie. So dikwels net voor kostyd, begin Seuna al klap-klap met die tongetjie - is eintlik te cute!

"Met die tong loof ons die Here en Vader, en met die tong vloek ons mense wat as die beeld van God gemaak is. Uit dieselfde mond kom lof en vloek. My broers, so moet dit nie wees nie" Jak 3:9,10

Dankie Here vir tonge waarmee ons kan eet en waarmee ons kan praat! Help ons as ouers seblief om ook altyd ons tonge reg te gebruik en voorbeeld vir Boeta te wees.Franco, ons bid dat jy soos jy meer en meer gebruike vir jou tongetjie sal ontdek, dat jy meer mense sal opbou en inspireer eerder as afbreek en verkleineer. En dat jy so lief vir Jesus sal word, dat Hy jou help om meer Sy naam te loof as wat jy sal wil vloek.

Ons nuwe wiele!

2008-09-21T16:25:00.000+02:00

Sjoe! So baie nuwe dinge gebeur deesdae - dis moeilik om by te hou met al die stories. :-) (En ons is VREESLIK besig by die werk. Amper 5 maande weg, met geen plaasvervanger aangestel terwyl ek weg was nie = 'n lessenaar vol opgehoopte papierwerk!)

Laasnaweek was ons so geseend gewees om ons nuwe karretjie te kon kry! Dis al lank wat ons wik en weeg oor ene, en toe ons uiteindelik besluit het toe gebeur dinge sommer vinnig. My ou studentekarretjie het nie 3-punt veiligheidsgordels vir karstoeltjies op die agterste sitplek nie, so Franco moes maar voor langs Mamma ry (in sy karstoeltjie). Lekker vir dummies in die mond druk terwyl Mamma bestuur, maar nie so veilig nie.

Laas Vrydag het Gert (na heelwat admin furstrasies) huis toe gekom in ons nuwe gesinsmotor. Ons duurste baba-aankoop nog! :-)

My ouers het die Tazz by ons gekoop vir Hendrik (sy bakkie is 'n ruk terug gesteel). Ek was hartseer om vir Domminique te sien gaan - vir so lank was dit my en Gert se "groot kar!" en hy het ons veilig by so baie plekke gekry - dit was dan selfs ons honeymoon vervoer. Maar die nuwe silwer wa se kragstuur, ABS remme en aircon maak baie op vir die gemis!

Die naweek het Gert en Franco saam met Oom Hannes gebraai (Ma het 'n funksie aangehad) en 'n ander nut vir die groot bagasieruim ontdek:

As die wind waai maak die nuwe kar die perfekte windskuiling vir 'n prinsie wat wil doe-doe

Spesiaal vir tannie Rina

2008-09-14T17:00:00.000+02:00

Net omdat tannie Rina gevra het, en om te bewys dat Franco darem 'n pappa ook het!

Pa en seun tydens laasweek se skoolpiekniek

Koskaskanades!

2008-09-14T15:20:00.000+02:00

Die inspuiting Woensdag het goed gegaan. Franco was 'n kampioen en het amper niks gehuil nie! (Dis nou met die inspuit-slag. Hy het wel 'n grote keel opgesit toe ons hom weeg - waarom weet ons nie :-)

Franco raak-raak nou aan die 6kg - net mooi dubbeld dit wat hy met geboorte geweeg het! Is ook nou 63cm lank - 'n volle 13cm gegroei! Hy het egter die laaste maand net so 80g per week opgetel wat volgens die suster bietjie aan die min kant is. (Ek sou ook nie gewig optel as ek nie my melkies drink nie!) Sy het voorgestel dat ons begin met vaste kossies, want dalk is hy 'n eter meer as wat hy 'n drinker is.

Voor die tyd: Dis seker omdat ek so oulik lag dat die kameras so flits!

Wag se net gou weer - waar moet die kos nou eintlik ingaan?

Dink nie ek hou eintlik van pampoen nie

Die eerste etery het heel goed begin, met Franco wat lag en gesels en Pa en Ma wat beurte maak om te voer. Net toe ons onsself begin gelukwens met hoe goed die etery gaan, wys Boeta vir ons niks in hierdie ouerskap avontuur is eenvoudig nie, en stuur al die kossies terug! Arme Seuna! Hy was so groot sport, en het sy bes probeer maar dis nie sy skuld as die pampoen hom naar maak nie. Toemaar jong - hopelik een van die dae het jy (en ons!) hierdie eet-ding onder die knie.

Dag 2 het nie veel beter gegaan nie - al het ons hom probeer opbeur met 'n borslap wat pas by die ete van die aand. Sover dus is Franco meer van 'n drinker as 'n eter - 'n baie selektiewe drinker wat sy kos se verpakking sorgvuldig kies!

Nuusbrokkies

2008-09-09T08:25:00.000+02:00

Sondag op die plaas in ware Franco wikkelwurm styl

* Die spa-treatment Donderdag was wonderlik! 'n Groot bederf en 'n ligpunt in 'n week wat andersinds maar vol moeilike aanpassings was.

* Boeta het Donderdag op 'n bottle strike gegaan - en wou Donderdag en Vrydag amper niks by die skool drink nie. My arme ou seuntjie - hy was SO honger toe ek hom opgelaai het Donderdag, en ons kon nie gou genoeg by die huis kom sodat hy kan voed nie. (Gelukkig was ek so ontspanne na al my masserings dat ek nie heeltemal uitgefreak het nie. 'n Mens is maar bekommerd, en wil so graag he dit moet goed gaan by die skool!)

* Vrydag het hy sy heel eerste formule-melkies in sy lewe gekry na 'n mix-up by die skool. (Ek melk nog elke dag uit vir hom). Weet egter nie of dit tel nie - agv die bottle strike het hy nou nie juis gedrink nie.

* Saterdag het ons ons eerste skoolfunksie gehad! Die skooltjie het verjaar, en ons het plegtig die verjaarsdag gaan bywoon. Franco is nog bietjie klein om die bak-en-brou en boeresport te waardeer, maar dit was amper onwerklik om die peuters dop te hou en te dink by die volgende partytjie is dit ons seuntjie wat so rondhardloop en homself met cup cakes besmeer! Het lekker gekuier met van die ander ouers in Franco se klassie.

* Sondag-oggend in die kerk ontdek ons dat die tema vir die maand "Visse" is. Hoe great is dit? Franco is ook in die Vissie-klas, en dit was vir my asof Jesus net self Sy hand op my skouer sit en se dat als ten goede sal uitwerk (Ten spyte van min slaap, aanpassingstories en bottle strikes!)

* Sondag was ons plaas toe vir my niggie se verjaarsdag. Het net voor die tyd gou bietjie by Ouma en Oupa gaan kuier - na 2 weke was Ouma Miekie se hart vol verlange! Ons het ons kamera vergeet, maar Ouma het baie fotos geneem - die foto hierbo is van Ouma se blog gesteel. Nog fotos en nuus te siene by www.janandmiekie.blogspot.com

* Gister het dit baie beter gegaan by die skool! Dis met vreugde dat ons kan rapporteer dat Franco 10:00 so 70ml gedrink het en 14:00 amper 135ml! Dit wil lyk of die baie gebede en Pappa se gedetermineerde oefening die naweek gehelp het! Prys die Heer! Ek voel soveel beter!

* Ons prinsie kan hande klap - nou nog nie op demand nie, maar sommer so op sy eie vir die lekker! Hy was vanoggend te skattig - le in die bed terwyl hy baie opgewonde vir homself handjies klap en abvvvvv, abvvvvv gesels. Baie trots op homself! (Natuurlik maak hierdie cute-geid amper vir Mamma laat vir werk. Kon myself net nie sover kry om op te hou kyk en klaar te maak vir werk nie!)

* More-oggend is al weer inspuiting tyd. :-( Die vorige kere het dit darem redelik goed gegaan, so ek is hoopvol vir hierdie keer ook maar dit bly darem nie 'n lekker affere nie.

Dink dis ons nuus in 'n neutedop! Hoop dit gaan wonderlik goed met julle almal!

Ons oorleef!

2008-09-03T10:58:00.000+02:00

Hi! Wou net inloer om te se ons leef darem nog! Om terug werk toe te gaan was ‘n GROOT aanpassing, en ek sukkel maar so deur die dag sonder my gebruiklike middagslapie maar sal seker nog aan die nuwe roetine gewoond raak.

Dis nogals ‘n storie om myself, Gert en Franco in die oggende gereed te kry. 3 sakke – 2 vir laptops, een vir doeke! Dis 2 stelle toebroodjies en 1 stel bottels! (Darem hoef ek en Gert nie spaar klere ens. ook nog saam te piekel nie)

Is met ope arms by die werk terug verwelkom, en dit is lekker om weer almal te sien en die stories te hoor. Ek word selfs more spa toe gestuur! (Ter ere van seketaresse-dag stuur die werk sommer AL die vrouens vir ‘n spa-dag. Een voordeel om vir grotendeels manlike firma te werk, en ‘n groot bederf vir hierdie nuwe mamma!)

Franco gaan baie goed aan by die skooltjie. Hy glimlag en koer vir die ander babas, en het nog nie een keer gehuil met die aflaai slag nie. Die mense daar se hy is te skattig, en hy het gelukkig nie probleem om skielik uit bottels te moet drink nie. Hy was gister en eergister doodmoeg toe hy by die huis kom – het amper Maandag tydens bad-tyd aan die slaap geraak. (Een voordeel van skooltjie toe gaan – ons daaglikse marathon stoei-sessies om hom in die bed te kry was die laaste 2 aande nie in sig nie)

Hy word net te vinnig groot! Die sittery is elke dag stewiger, en ek moes tot vandag op versoek van die skool vir hom tande-medisyne inpak (Lyk my Ouma Elna was tog reg toe sy gese het die tandjies is naby) My ou babatjie – jy is mos nog heeltemal te klein om te wil tandjies kry?

Dankie Here dat dit sover goed gaan! Dankie dat daar wel ‘n einde aan elke werksdag kom, al voel die dag ook hoe lank. En dankie dat U elke minuut van elke dag oor Boeta waak, en dat U daar is, selfs al is ek nie. Dankie dat U die Ultimate Ouer is, en ek soveel by U kan leer. Ek loof U naam!

More is D-dag

2008-08-31T09:33:00.000+02:00

More is my kraamverlof amptelik verby :-( Ek kan skaars glo dis 4 1/2 maande wat ek weg was van die werk - dit voel soos 'n oomblik!

Ai Boeta! Waar kan Mamma begin om dankie te se vir die laaste paar maande? Ek geniet jou so-so baie, en staan verstom oor hoeveel jy al gegroei en ontwikkel het. Die dag toe ek jou (uiteindelik!) in lewende lywe ontmoet het, was jy 'n brose, kleine pasgebore seuntjie; nou is jy al 'n yslike bondel baba-energie vol persoontlikheid! In die begin het jy net gevoed en geslaap, nou is jy AL hoe meer wakker en spelerig. Ek en Pappa dink gereeld jy kan nie nog ouliker word as wat jy reeds is nie, en net die volgende dag verras jy ons met ietsie nuuts wat maak dat jy net nog dieper in ons harte inkruip.

Soms dink ek, ek sien 'n glimps van Pappa of myself in jou, ander kere verras jy my met ietsie heel onverwags - 'n handgebaartjie, uitdrukking of laggie wat net aan jou behoord! Hierdie unieke Franco dinge (soos dat jy amper nooit stilsit nie en heeltyd wil perdjie ry, of hoe jy sug van lekkerkry as ons jou in die bad tel of die kyk in jou ogies as jy hard konsentreer of vreeslik opgewonde is) maak jou super-spesiaal! Dis die Skepper se vingerafdruk op jou - bewyse van hoe kunstig en kreatief Hy jou aanmekaar geweef het toe jy nog in Mamma se magie was.

Dalk is dit gepas dat dit more lente-dag is. Die eerste dag van 'n nuwe seisoen in ons albei se lewens - Mamma as 'n werkende mamma, en jy as 'n oulike lid van die Vissieklas. My hart is maar hartseer, want ek weet nuwe seisoene kom nie sonder groeipyne nie en elke nuwe ding bring noodwendig 'n afskeid van sekere ou dinge saam. Maar as ons nie los dit wat agter is nie, dan mis ons uit op die blessings van die nuwe seisoen. Mamma gaan baie verlang, maar hoop jy speel so lekker met die maatjies dat die daggie sommer vinnig verbyvlieg! Ek is lief vir jou my kind...

En nou is ons vier...

2008-08-29T22:28:00.000+02:00

darem net vir die aand! Thelwyn en Frans moes na 'n troue toe gaan, en dis vir ons heerlik om fyne Martelize by ons te he vir die aand. (Sy is so skattig! En so fyntjies! En so lig!)

Dis heel raar om 'n seun en 'n dogter in die huis te he - ek & Gert het 'n idee gekry oor hoe dit sou wees om 'n tweeling te gehad het. Het darem goed gegaan - na 'n rondte melkies, winde uitvryf en doeke omruil het ek en manlief lekker gele en DVD kyk elkeen met 'n bababondeltjie op die skoot. (Kort net nog 'n paar hande - wie moet Hot Choclate maak as altwee babas so lekker doe-does?)

Dit was bietjie dol toe altwee babas gelyk wakker was, maar hier is darem 'n ou fototjie van die slapende skoonheid...

Eerste skooldag!

2008-08-29T21:55:00.000+02:00

Met die dat ek Maandag weer moet terug werk toe, het Franco gister en vandag vir so paar uurtjies by die skooltjie gaan kuier.

Voor die tyd: so koel soos 'n komkommer in een van sy Ouma Elna truitjies

(Sy borslap se - Thank heaven for little boys - ons hart se punt van die hemel af gebid!)

Dit was baie swaar om hom daar te los! En nee - ek het nie gehuil nie, maar dit was maar hard sluk aan die knop in my keel. (Franco het sommer dadelik begin koer vir die juffrouens, en min gespin gewees met Ma wat skoon tranerig is) Die skooltjie se personeel het voorgestel ek moet erens 'n koffietjie of so inwerk, en 'n bederf-dingetjie vir myself koop. Kon my egter nie keer nie, en het die heel oggend in die winkels se baba-afdelings gebrowse, en op die ou end speelgoed en klere vir Boeta gekoop...

Na die tyd: Wat is nou so erg aan skool Ma? Ek is so gelukkig as wat kan kom!

Franco was erg besig om homself te verwonder aan die ander babas (3) toe ek daar aankom, en het nie eers besonders bly gelyk om my te sien nie. Nie goed vir my ego en verlangende hart nie, maar hopelik is dit eerder 'n teken dat hy die aanpassing gaan maklik vind.

Boeta was vol geselsies oor sy eerste skooldag!

Ag Here! Maandag is 'n groot dag vir ons gesinnetjie, en ek is maar benoud oor hoe dinge gaan uitwerk. Maar U ken my hart, en U ken my en Gert se drome. Dankie dat ons altyd ons harte by U voete kan kom uitstort, en weet dat U luister. Maak seblief die pad voor ons gelyk, en dat die aanpassing vir ons al 3 glad sal verloop. Dankie dat U ons gehelp het om plek te kry in 'n oulike skooltjie, met personeel wat ons venote wil wees om 'n gelukkige, self-standige seuntjie groot te maak. Maar bowenal Here, is ons grootste gebed dat ons 'n seuntjie sal grootmaak wat U ken en vir U Koninkryk lewe.

18 1/2 weke

4 Maande en raai wat!

2008-08-27T17:24:00.001+02:00

Nie die beste foto nie - maar kyk hoe sit ons!

'n Paar weke gelede het Ouma Miekie agtergekom hoe sterk Franco eintlik sit as jy hom vashou. Sy stel toe voor ons gaan haal die halfmaan-kussing en kyk wat maak hy. Franco het heel oulik vir 'n paar sekondes in die kussing gesit, en toe omgedons. My mond het oopgehang - my kleine babatjie is vinnig oppad om 'n grote seunskind te word! En 31/2 maande was darem vrek vroeg om al te sit (al is dit net ampertjies, en nog nie sit-SIT nie!)

Natuurlik toe ek vir sy Pa wou wys hoe oulik dit is, wou Woeliekous Franco glad niks weet van stilsit nie. Veel eerder rondwikkel en skop-skop. Ek dag dis die einde van die ampertjie sittery vir eers...

Gister en vandag wou Franco egter meer geredelik stil sit - en kyk nou net! Hy is nog maar baie onvas, en die half-platgevoude pannekoek posisie is nou nie juis elegant nie - maar ons kom daar! Die bietjies-bietjies wat hy op sy eie sit raak al hoe langer (dis nou solank Ma 'n vreeslike song & dance doen om sy aandag af te trek; die oomblik wat hy agterkom jy het sy lyfie gelos dop hy om!) :-)

Dalk werk dit beter met die kussing

Nee wat Mamma! Genoeg is genoeg vir een dag! Kyk eerder vir my somerklere in die Augustus hittegolf :-)

4 maande, 1 week oftewel 18 weke

Franco en sy Oumagrootjie Sara

2008-08-27T16:24:00.001+02:00

Met die dat Ma weer moet terug werk toe, en Franco van Maandag af skooltjie toe gaan was vandag die laaste keer in 'n rukkie wat Franco sy self-aangestelde Oumagrootjie Sara sou sien.

Ouma Sara (soos sy verkies ek haar noem) is 'n engel in my lewe wat elke Woensdag haar towerstaf kom swaai en stof en strykwerk laat verdwyn! Ek sou verlore wees sonder my Ouma Sara. Sy is 'n baie groot juweel van onskatbare waarde in ons huisgesin.

Oumagrootjie Sara het met 'n swaar hart afskeid geneem van die klein prinsie in die huis, en is met 'n vol gemoed en 'n paar pas-geprinte fotos huis toe.(Die fotos is vir die spog-slag by die huis) Boeta is werklik geseend met 'n Oumagrootjie wat hom net so lief het as wat 'n bloed-eie Oumagrootjie so kon he!

Dankie Here dat Franco die voorreg het om in 'n multikulturele land groot te word, en te kan leer van hulle. Help ons om altyd die blessing daarvan raak te sien - veral wanneer sommige furstrasies die reenboog bietjie laat verdof! En Here, seen seblief vir Ouma Sara en haar gesin.

Eerste keer saam op die plaas!

2008-08-26T16:54:00.001+02:00

Thelwyn met Martelize, Dorette met Franco

Vrydag-aand was Oupa Jan en Ouma Miekie se twee kleinkinders die eerste keer saam op die plaas. En was Oupa en Ouma nie trots nie! (Al het die nuwe geslag ons op 'n stadium enterain deur saam-saam 'n deut vir ons te "sing") Familie-etes is nou 'n heel ander gedoente...

Franco - 1 dag voor 4 maande, Martelize 3 1/2 weke

Funny bunny Franco!

2008-08-26T15:58:00.000+02:00

Tannie Thelwyn en kleine Martelize het Vrydag-oggend vir ons kom kuier (yeah vir die een ou maandjie wat ons kraamverlof oorvleuel!)

Ek en sy (en die kiddos) het ietsie gaan nuttig by 'n kwekery se teetuin. Die oomblik was vir my bittersoet, want die enigste ander keer wat ek al daar was, was saam met Gert so +- 'n jaar gelede. Daai Saterdag-more was ons amper die enigste kinderlose paartjie daar (die teetuin kyk uit oor 'n speelparkie, en dus is daar heelwat ouers wat ietsie nuttig terwyl hulle kyk hoe die kleingoed speel). Daardie dag het ons ons voorgeneem dat ons eers weer sou gaan as ons ons eie kleinding het, en nou is ons al daar!

Energeval, na die teedrinkery was beide Franco & Martelize uitgeknikker en kon ons nie vir hulle die klein perdjies, eende ens. gaan wys nie. Ook maar goed so, want ons moes huis toe wikkel voor voedingstyd!

By die huis het ons altwee gevoed, en ek is op boontoe om die prins se doek te ruil. Toe ons afkom, was Martelize besig om al hikkende die windjies uit te stoei. Daar moes iets besonders aan die fyne newbron ie-ie hikkies gewees het, want toe ek en Boeta langs hulle plaasneem, het Franco een kyk na sy niggietjie gegee en uitgebars van die lag! Dit was die heel eerste keer dat ek hom hoor lag het, en die uit-die-maag uit laggies was super-spesiaal!

(Hoop maar Martelize is te klein om te onthou van haar ongeskikte nefie wat die heel eerste keer wat hy haar behoorlik raakgesien het, in haar gesig vir haar gelag het!)

Dankie Here dat U ons bless met laggies wat die dag sommer ophelder! Dankie dat U ons geskape het met 'n humorsin, en dat ek en my seuntjie dit sommer vroeg-vroeg al kan deel. En Here, as dit vir U so lekker is om my te hoor lag as wat dit vir my is om Franco te hoor, sal ek regtig probeer om meer gereeld uit my maag uit te lag. :-)

(1 dag voor 4 maande)

Borslap Kaskanades

2008-08-22T07:50:00.000+02:00

Soos julle seker gesien het op die laaste paar fotos, word Seuna se adorable kleertjies deesdae verberg agter 'n minder adorable borslap. Die stap is genoodsaak na die spoegfabriek op so 12 weke op volle sterkte begin hardloop het. (En aangesien ons deur so 3/4 borslappe per dag hardloop, pas sy borslap ook nie eers altyd by die uitrusting van die dag nie - daar is ook nou net soveel droee, skoon borslappies in die laai!)

Enewel, behalwe om die kleertjies bietjie langer droog te hou, demostreer Franco ook vir ons 'n ander handige eienskap van 'n borslap - 'n heerlike byderhand speelding om te ruk en pluk!

Ek ruk en pluk en kou - o die vreugde!

As ek nou regtig by beste insit, kan ons dalk die borslap dood he voor slaaptyd!

My nuwe speelding!

2008-08-19T11:19:00.000+02:00

Franco raak nou AL meer geintreseerd in speelgoedjies. Hy verskaf ure van "cheap entertainment" vir my en Gert - dis te kostelik om hom op sy speelmat (of baby gym) te sien soos wat hy na die speelgoed skop en slaan. Dis al 'n rukkie wat hy 'n rateltjie vashou, maar die laaste week of wat het die tye wat hy sy rateltjie vashou AL langer begin word. Ons het egter die idee gekry dat hy nog langer sou speel met die rateltjie, as die ding nie so swaar was nie.

Na ons eendag vir hom 'n strooitjie in 'n restuarant gegee het om vas te hou en dit 'n groot treffer was, het ek al meer begin wonder oor wat ons vir hom kon gee wat tegelyk lig en veilig was (Strooitjies, pypskoonmakers ens. het als skerp punte en ek was bang hy maak homself daarmee seer).

Vrydag-middag het ek tydens 'n opruim sessie op 'n ou tandeborsel afgekom. Eureka! 'n Liggewig item met 'n dun steeltjie en geen skerp punte nie!

Vrydag-aand het ons op die plaas vir Ouma Miekie en Oupa Jan gaan kuier - nuwe speelding natuurlik ingepak. Ouma Miekie het toe voorstelle gehad om die tandeborsel bietjie interessanter te maak, en ons het toe vir die tandeborsel 'n strik gesny uit 'n geel plastieksak. Franco was in sewende hemel!

Kyk my nuwe speelding!

Nee! Jy kan nie ook met my tandeborsel speel nie - kry jou eie!

In vandag se tye moet jy selfs in jou slaap jou kosbaarhede bewaak

NS - ons het Saterdag 'n winkeltjie opgespoor wat wel liggewig rateltjies verkoop, en 2 tot Franco se versameling gevoeg, maar die tandeborsel met die strik bly 'n gunsteling!

16 1/2 weke

Kuier by Martelize en tannie Thelwyn

2008-08-19T10:46:00.000+02:00

Het Donderdag vir die dag by tannie Thelwyn en kleine Martelize gaan kuier. Oom Frans het die volgende dag verjaar, en ek sou gaan help met eetgoedjies maak vir sy werk. Franco was egter so 'n woeliekous en wou so min slaap, dat ek op die ou end maar min gehelp het. Die kuier so tussen kosmaak, voedings en doeke omruil was darem baie lekker! Dis net jammer ek en Thelwyn moet terug werk toe - ons is dit albei eens dat die lewe 'n fees sou wees as ons altwee tuisbly mammas kon wees!

Franco 16 weke, 1 dag Martelize 15 dae

Wie is die reus langs my? Kom ons steek vir hom tong uit :-)

Ek kry nou hierdie ratel ding AL beter reg - dis net nog bietjie swaar om te lank vas te hou

Raai wie kan al omrol!

2008-08-19T10:31:00.000+02:00

Laas Maandag (15 1/2 weke) het ek die klein prins op sy magie neergesit as deel van sy daaglikse "tummy time". Met meneertjie heel gelukkig op sy maag draai ek toe om om gou vir my 'n koppie (rooibos!) tee te maak. Terwyl ek tee maak dag ek dis snaaks dat hy nog nie begin kla het nie (gewoontlik kla hy gou), net om om te draai en te vind Franco le rustig op sy rug na die dakwaaier en staar! Die houding was so ewe nonchalant, en hy kon glad nie verstaan hoekom Ma skoon trane in haar oe het nie. :-)

Sederdien rol ons so 1-2 keer per dag om - maar Boeta is baie sneaky - dis gewoontlik sodra ek vinnig weg kyk, en defnitief nie wanneer daar 'n kamera in sig is nie!

Ha! Ek sien die kamera, en NEE ek sal glimlag en oulik wees, maar NIE nou rol nie!

Familiefotos van Franco se toewyding

2008-08-15T11:02:00.001+02:00

Gert se kant van die familie.

(Let net op na ons Woeliekous se kousies. Sy mooie satynskoentjies wat spesiaal vir die geleentheid gekoop was, was nie bestand teen mnr Wikkelwurm nie. Na die soeveelste aantrek van die skoene, het ek opgegee en maar meer praktiese kousies aangetrek - wat op die ou end ook nie bestand was teen al die gewoel nie)

Oom Hannes, Gert, Dorette met Woeliekous Franco, Ouma Elna, Oupa Frans

My kant van die familie. Eers was ons net 5 - nou is ons al 9!

Oupa Jan, tannie Thelwyn met Martelize, Oom Frans, Dorette & Franco, Gert, Ouma Miekie en Oom Hendrik

(Martelize - 12 dae, Franco 3 maande 1 week 4 dae)

Franco ontmoet Martelize vir die eerste keer!

2008-08-15T10:38:00.000+02:00

Laasweek Donderdag het Franco sy fraaie niggietjie ontmoet! Die groot ontmoeting het bietjie anders gegaan as wat ek en Thelwyn gehoop het, met Franco wat eerder met sy spoeg speel, en fraaie Martelize wat eerder wil slaap. Sal maar in die toekoms weer probeer om bietjie beter fototjies te kry!

Ons hoop in elk geval dat die tweetjies in die toekoms sommer nog groot maats gaan word! Hulle is mekaar se enigste niggies/nefies op die stadium!

Franco - 3 maande, 2 weke & 1 dag; Martelize - 'n brose 8 daggies oud!

Franco se toewyding

2008-08-15T09:26:00.000+02:00

Franco - Free Man (Van Oupa Frans en Oupa Jan se Nicolaas)
"..Dit verseker Ek julle: Elkeen wat sonde doen, is 'n slaaf van die sonde. 'n Slaaf bly nie vir altyd by 'n huisgesin nie; 'n seun bly vir altyd. Eers as die Seun julle vry maak, sal julle werklik vry wees.." Joh 8:34-36

Jean - Shining/ God is gracious (Dis die Franse se Johannes. Jean het dieselfde betekenis as Johan (Oupa Frans se tweede naam) en Jan. Die stamvader van ons van wat as Hugenoot hier aangekom het, het sy seun ook Jean gedoop)
"You are the light of the world. A City that is set on a hill cannot be hidden" Matt 5:14

Franco se toewyding was so super spesiaal! Dit was in twee sarsies - die Woensdag-aand het die naby familie by die kerk saamgekom, met Franco wat te spoggerig was in die sy pakkie wat Ouma Miekie spesiaal vir die geleentheid gemaak het. (Wikkelwurm Franco was net so 'n woeliekous dit was moeilik om 'n fototjie te kry van die hele outfit!)

Daar was drie ander babas en hul families, met Franco wat die jongste was. Ons het die geleentheid gehad om as ouers, en as die groter familie almal saam vir hom te bid en die Here te vra om vir Franco te seen - net soos die mense in toeka se tyd ook vir Jesus gevra het om die kindertjies te seen. Ook het ek en Gert in die openbaar plegtig belowe om hierdie kosbare geskenk wat aan ons toevertrou is, na die beste van ons vermoe groot te maak soos wat Hy wil he ons moet.

Sondag-oggend het hy weer sy spesiale pakkie aangtrek, en is voorgestel aan die gemeente! Met nog 'n korporatiewe gebed vir hierdie seuntjie se lewe!

Daarna was dit tyd vir 'n teepartytjie by ons huis met die lekkerste koek en tee denkbaar. Franco is darem 'n baie gelukkige seuntjie met besonderse Oumas wat kan bederf met sulke lekker eetgoed. Dink dit was die grootste partytjie was ons woninkie nog gehad het, en het omtrent 'n kreatiewe rondskuif van meubels nodig gehad om almal te kon akkomodeer. Gelukkig was Ouma Miekie naby genoeg en gaaf genoeg dat ons haar pragtige teestelle kon leen. (Royal Albert nogals!)

Net om julle lus te maak - die spyskaart!
'n Groot House of Coffees Caramel Meringue koek
Driehoek-kaaskoek van Ouma Miekie
Melktert van Ouma Elna
Koeksisters geskenk deur Ouma Miekie
Skons met sout-bolae van Ouma Elna
Frikkadelletjies (Ma het darem ook gehelp!)
Woolies worsrolletjies
Mosterdsous
Broodjies en patee van tannie Lisa (dankie vriendin!)

Net om die Sondag-kuier super lekker te maak - het tannie Thelwyn-hulle kom kuier met kleine Martelize! 'n Brose 12 daggies oud, en tannie Thelwyn lyk fantasties! Dankie sus - ek weet dis moeilik om met so 'n kleine bondeltjie uit die huis te kom, en waardeer dit so dat julle hierdie spesiale dag met ons gedeel het!

Dankie Jesus - dat ons kan weet kindertjies is geskenke reguit uit U hand uit. Dankie Here dat ons kan weet, al kan ons as ouers nie altyd daar wees vir ons kind nie - U altyd daar sal wees al die dae van sy lewe! En dankie Here dat ons hierdie spesiale dag met ons familie kon deel - veral Franco se twee Oupas! Dankie dat U hulle gespaar het vir ons nadat hulle elkeen 'n beurt vroeer die jaar gehad het om ons groot te laat skrik! Ons loof U naam!

Ek is terug!

2008-08-15T09:15:00.000+02:00

Sjoe! Ek raak agter met die updates - skuus ne! Dit was net moeilik om by te hou terwyl Ouma Elna en Oupa Frans hier gekuier het - die rekenaar met die ADSL lyn is in die spaarkamer opgestel! :-)

Dit gaan darem goed met my! Arme Franco trek bietjie swaar - hy het Woensdag 2 inspuitings gehad, en dit lyk of die tandjies erg beginne pla. (Ek weet dis vroeg vir tande - maar altwee Oumas en verskeie tannies by die familiefees is almal van mening dat die twee klein wit knoppies in die prinsie se onderste tandvleis inderdaad tandjies is) Hy kry sy oppe en sy affe - gisteraand en vanoggend is maar 'n af-tyd en Boeta wil net vasgehou en geliefie word, en glad nie weet van slaap nie.

Jesus, U moet werklik amazing wees. U het soveel kinders, en U het altyd tyd vir elkeen van ons, en raak nooit moeg en ongeduldig met ons selfs al is ons super needy en cranky nie! Dankie dat U nooit sluimer of slaap nie, en altyd met liefde oor ons waak. En dankie veral Jesus dat ek 'n maatjie het om hierdie ouerskap-ding mee te deel; dankie vir 'n pappa wat kan help traantjies afdroog as die mamma self voel om saam te huil! :-)

Sneakpreview: Franco se Inseening foto

2008-08-06T12:06:00.000+02:00

Franco word vanaand ingeseen tydens 'n intieme plegtigheid by die kerk. Sondag-oggend word hy voorgestel aan die groter gemeente, en die kerk wou 'n fototjie he van die klein prins.

Hier is die fototjie wat ons gekies het (dis een van die fotos van ons 3 maande studio sessie) Is hy nie die pragtigste, vriendelikste babatjie nie?

Ons voel so bevoorreg om die eer te he om ouers te wees vir hierdie spesiale seuntjie. Ons sal ons bes probeer Here, om hom groot te maak in U wil en ons bid dat hy sommer vroeg-vroeg sal besef hoe nodig ook hy vir U het. Dankie Here, dat daar vir ons kan LEWE wees omdat U reeds die gesterwe het!

Toonnaels sny vir die eerste keer!

2008-08-06T11:11:00.000+02:00

Moes gister Franco se toonnaeltjies sny vir die heel eerste keer! Sy vingernaeltjies groei so vinnig, ek sny dit elke 2-3 dae (beginnende in die hospitaal!), maar tot op hede was dit nie nodig om die toonnaeltjies by te kom nie.

Was nogals 'n mission - die klein prinsie het 'n paar stewige beentjies aan hom en dis moeilik om sy voet stil te hou as hy wil skop-skop. Gelukkig kuier Ouma Elna nog hier, en kon sy vir Franco so entertain dat hy skaars agter gekom het ek sny sy naels! :-)

Dis SO lekker om hulle hier te he - ek wens hulle hoef nooit weer terug te gaan nie!

Dankie Here - vir daaglikse ontwikkeling in ons seuna se lewe, en dankie Here dat ons hierdie spesiale tye kan deel met ons ouers. Franco is 'n baie gelukkige seuntjie met sy 2 Oumas en 2 Oupas! Ons loof U naam!

Ouma Elna verjaar!

2008-08-01T11:46:00.000+02:00

Ouma Elna het gister verjaar - dis so lekker dat hulle nou hier kuier, toe kon ons dit saam vier! Het die verjaarsdag gaan vier by 'n restaurant wat spesialiseer in stir-fry etes (Jy kies jou eie bakkie groentes,vleis, sous ens. en gee dan vir die kok om gaar te maak. Te heerlik!)

Franco was bietjie knieserig, maar het gou-gou stil geword toe Ouma hom op har skoot vashou. Al te lekker bederf! Maar wie kan dan so 'n oulike baba weerstaan as hy so mooi glimlag?

Franco het darem vir sy ouers ook bietjie bederf gister - na hy so 20h homself knuppeldik gedrink het, het hy so teen 21h die stryd teen Klaasvakie verloor en geslaap tot 4am vanoggend! Dankie my kind! Dink ek en jy het altwee 'n heelwat beter dag as ons tweetjies bietjie beter geslaap het die vorige aand.

O ja! En ons het die proewe van die fotos gekry vanoggend - Franco is te skattig! Nou het ek net die moeilike taak om enetjie te kies om vir die kerk te e-mail vir Franco se inseening Woensdag.

3 maande, 1 week, 2 dae

Welkom in die wereld Martelize!

2008-07-31T10:59:00.000+02:00

Franco se niggie is gisteroggend 2:10 am gebore! Sy is die mooiste, fynste dogtertjie met 'n grote bos hare! (So anders as ons klein prinsie wat net so paar donsies gehad het)

Interessant dat sy ook 3kg geweeg het soos Franco, en op 51cm slegs 'n cm langer is as wat Franco was. Ek kon haar gister vashou, maar dit was amper onwerklik om te dink dat Franco ook so klein was! (en so lig! Sy voel soos 'n veertjie - ek is deesdae gewoond om 5+kg rond te dra)

Welkom in die wereld Martelize! Ons het almal SO uitgesien na jou koms, en is bly jy is nou deel van ons familie. Hoop jy bring vir jou ouers sommer baie vreugde!

Ouma Elna & Oupa Frans het kom kuier!

2008-07-28T12:35:00.001+02:00

Gister was 'n besige, besige dag! Vroegoggend moes ons rondskarrel om betyds te wees vir ons 3-maande profesionele foto sessie by Ronel (die vroutjie wat vir ons die babamasseringsklasse ook aangebied het). Die sessie was lekker vrek vroeg (8h30!) maar soveel pret! Ronel was amazing, en Franco was 'n model soos min. Hy het vir ons die mooiste laggies gegee - ek is so opgewonde en kan skaars wag om die proewe te sien! (Franco se nuwe pakkie het duidelik verklaar: "My daddy is the best" en ek dink Boeta was so spot on daarmee! Ek het jammer gevoel dat ek nie 'n toppie kon he wat aandui "My hubby is the best!" nie. Ons is so geseend om Gert in ons lewens te he!)

Daarna was ons plaas toe sodat Ouma Miekie vir Franco sy dooppakkie kon aanpas. (Ons praat van 'n dooppakkie - maar eintlik is dit die pakkie vir Boeta se inseening by die kerk). Die pakkie word gemaak van oorskiet wit satyn van my trourok, en hy lyk behoorlik soos 'n spoggerig klein prinsie daarin! Dankie Ouma Miekie - jy is 'n ster! As dit van my afgehang het, sou ons maar moes kyk wat die winkels opgelewer het.

Was nog op die plaas toe ons 'n lekker verrassing kry - Oupa Frans en Ouma Elna se planne het 'n bietjie verander, en hulle kom toe 'n dag vroeer as beplan! Groot opgewondenheid alround - ons het hulle Des laas gesien, en hulle het dus nog nie vir Franco in lewende lywe gesien nie! Ongelukkig vir hulle was Boeta se kapasiteit vir nuwe, uit-roetine dinge egter klaar tot boordens toe voel, en was hy glad nie op sy best behaviour toe hulle so 20h00 gisteraand hul opwagting maak nie. :-( Dit was dan al 'n rukkie na bed-tyd! Gelukkig kuier hulle nog 2 weke hier rond, en het Franco nog baie tyd om hulle harte te wen met sy glimlaggie!

Dankie Here vir familie - vir die lekker gesinstydjie wat ons met die fotos gehad het, die rustige kuier op die plaas en die pragtige dooppakkie. Dankie Here vir beantwoorde gebede, en dat U Oupa Frans gespaar het, en dat hy soveel beter is dat hy sy kleinseun kon kom sien! U is voorwaar 'n God van wonderwerke! En Jesus as ons kan vra - se seblief vir Franco se niggie sy moet bietjie opskud! Ons is al ongeduldig (en ek is seker haar ouers meer as ons!)

3 maande, 5 dae

3 Maande oud vandag!

2008-07-23T15:23:00.000+02:00

Kan beswaarlik glo dis maar net 3 maande gelede wat die klein prinsie sy intrek in ons huis geneem het (in ons harte was hy al vir 'n hele ruk ingeburger - al het ons toe nie geweet Franco is 'n boetie-kind nie!)

Ek staan verstom oor al die mylpale wat hy alreeds bereik het, en verwonder my elke dag aan die volmaaktheid waarmeed God hom geskape het. Van sy fuzzy haartjies op sy kop, tot sy kleine tien toontjies - Franco is een bondel perfekte baba propvol persoonlikheid! Ons geniet hom SO SO baie!

My liefste kind, jou ouers het jou so oneindig lief en ons bid net vir jou die mooiste Hemelse seeninge toe wat daar vir ons in Jesus Christus beskore is.

Nuwe dingetjies elke dag!

2008-07-22T10:11:00.000+02:00

So baie dinge gebeur deesdae! (Sal dat my linkerbrein oorneem en als puntsgewys neerskryf!)

* Ons het toe 'n skooltjie vir Franco gekry (die ene waaroor ek laas geskryf het). Gert het Vrydag weer saam met my gaan kyk, en ons altwee voel die skooltjie is kop-en-skouers bo baie ander wat ons gesien het. Ek dink 1 Sept (en nog baie dae daarna) gaan nogsteeds emosioneel rof wees op my, maar dit maak dit darem soveel makliker om te weet jou kind kry kwaliteit versorging!

* Ons sit op hete kole en wag vir DIE OPROEP dat Franco se niggie hier is! My sussie is voltermyn so dit kan nou enige oomblik gebeur! Kan nie wag nie! (Gert spot my en se ek is amper meer opgewonde oor Babatjie as wat ek was oor Junior. Dis darem nie heeltemal waar nie - maar voor Franco se geboorte was ek opgewonde en bang, nou is ek net opgewonde! ;-)

* Franco was 'n skatlam gisteraand en het van 1am tot 6am geslaap! Dankie my engeltjie - Mamma voel skoon soos 'n nuwe mens. (En vir die wat gewonder het - ja, hy slaap nogsteeds die hele aand in sy eie kamer. Ons al drie slaap nou soveel beter, maar ek mis my oulike warmwatersakkie in my bed. So 'n sagte baba-asempie in mens se nek is darem maar hemel op aarde!)

* Franco skud 'n ratel! Wel, so soorte van. Dis al lank wat Seuna die ratel sal vashou in sy hand (dink dis seker maar nog die infantile gryp refleks), maar hy het nog nooit self besef dat dit hy is wat die ratel skud nie. Die afgelope week het hy egter sy handjies met sy ogies ontdek (nie meer net sy mond nie), en nou kan hy in verwondering staar na die handjie wat die ratel so skud-skud. Nou werk ons net bietjie aan hand-oog koordinasie sodat hy self die rateltjie kan optel en belangriker nog - dat hy sal ophou om homself teen die kop te wack met die rateljie!

* Die klein prinsie se ouma & oupa kom kuier! Gert se ouers bly ver, en kon weens Oupa Frans se gesondheid nie vroeer die trippie aanpak om vir ons te kom kuier nie. Hulle kom egter volgende week, en sal dan hul eerste kleinkind vir die eerste keer ontmoet! Ons sien SO uit - telefoon kuiers is maar nie die ware Jakob nie. Hopelik slaap Seuna goed die rukkie wat hulle kuier, en sien hulle meer van die oulike happy baby wat hy dikwels is, as mr Grumpy (vir wie ons ongelukkig ook soms te siene kry!)

Sjoe! Dink dis die belangrikste so in 'n neutedop. Dankie Here, dat U ons so gelei het dat ons nog in hierdie land bly en nie ver in Australie sit soos wat die plan was nie. Dis so spesiaal om hierdie tye met familie te kan deel! En wees met Thelwyn as die tyd kom - dat die geboorte spoedig en veilig sal afloop en sy nie te veel pyn sal he nie. Dankie Jesus dat U vir ons klein kindertjies uit U hand uit leen - ons sal ons bes probeer om hulle vir die Koninkryk groot te maak!

Soektog na 'n skooltjie

2008-07-16T20:16:00.000+02:00

Is ernstig opsoek na 'n skooltjie vir Franco. Ek is lus en maak soos 'n volstruis - dalk as ek my kop in die grond indruk en my aan niemand steur nie, sal die 1ste Sept nie so skrikwekkend vinnig nader spoed en die einde van my kraamverlof beteken nie!

Ek het gister na 'n oulike skooltjie gaan kyk (al glo elke mamma niemand kan so goed vir haar kind sorg soos sy nie! Die lyk darem nie na te slegte tweede keuse nie) Die skooltjie is naby ons huis, wat beteken ons sal eers vir Boeta moet gaan aflaai in die oggende en dan die verkeer trotseer werk toe - is net bietjie bekommerd dat dit dalk gaan moeilik wees. Aan die ander kant kan Gert dalk help met die oplaai en aflaai, wat nie die geval is as Franco naby my werk in 'n skool is nie. Gert sal daaroor bly wees die paar daggies per jaar wat Ma moet takbesoek doen en nie by die huis is nie!

Die groot pluspunte (volgens my) is dat die skool elke dag die kindertjies van Jesus leer, en dat hulle juffrou-baba verhouding baie beter is as ander plekke. Dis vir my net so erg om aan te dink, maar ek troos myself daaraan dat ek en Gert baie daaroor gebid het, en dat hierdie (so voel ons) vir ons die beste besluit vir ons gesinnetjie vir die tydstip in ons lewens.

Ons ondersoek nog 'n paar ander plekkies, maar ten minste het ons nou 'n voorloper in die resies!

In ander nuus, het ek en Franco die hele oggend omgekuier by 'n niggie van Gert en haar oulike 21-maande oue dogtertjie. EN dit lyk asof Franco uiteindelik begin oorgaan na 4-uurlikse voedings! Sal kyk hoe vannag loop - hopelik besluit hy nie skielik om op te maak vir die minder voedings in die dag nie! :-) Gisteraand het goed gegaan (na die marathon stryd om hom in die bed te kry). Die prinsie het weereens die hele aand in sy eie bed geslaap en net tweekeer wakker geword!

O ja - en Oupa Jan se toetse was als goeie nuus! Dis 'n WONDERLIKe verligting en ons loof die Here al die pad!

Dankie Here, vir beantwoorde gebede, en U genesende krag. Lei vir my en Gert ook seblief in die soektog na Franco se skooltjie, en dat ons sensitief sal wees vir U stem.

Inspuitings, die einde van die pasgebore huil en ‘n kuierjie met Oupa en Ouma

2008-07-15T15:17:00.000+02:00

Sjoe! ‘n Dag vol ongewone dinge dis verseker. Eerstens was ons gisteraand verstom toe Franco nie net die 22h voeding ‘n skip gee nie, maar ook die hele res van die aand in sy eie bedjie in sy eie kamer slaap! ‘n Eerste vir hom, en ene wat sy ouers baie bly maak! (Ma sal maar stilbly oor die wakkerword-sessies van 00h30, 2h30, 4h30 en 5h15. Rome is darem nie heeltemal in een dag gebou nie)

Na ons mylpaal nag, het Ma haarself en Franco douvoordag uit die vere gehad sodat Franco vroegoggend sy derde sarsie inspuitings kan kry. Die klein prins het hom soos ‘n champ gedra en skaars gehuil! Ekke was nader aan trane as hy! Suster Carien het ook bevestig dat hy 160g vir die week opgetel het – darem heelwat beter as laasweek se skamele 60g!

Die kleine bietjie gehuil by die kliniek het my skielik laat besef dat Franco se sagte pasgebore baba-huiltjie verdwyn het! :-( Tot onlangs nog het mense opgemerk hoe saggies hy huil, maar vanoggend (hoewel kort) was ‘n regte luide groot baba-huil!

Daarna is ons bederf met ‘n kuiertjie van my ouers. Oupa Jan moes hospital toe kom vir toetse, en hulle het daarna gou kom inloer. Franco en sy Oupa het alte lekker gespeel. Ek dink Oupa en Kleinseun slaap altwee die middag om na hulle onderskeie mediese prosedures!

Dankie Here dat U vir ons almal groot en klein sorg. Dankie dat ons U kan vertrou met als – van Franco se gewigstoename tot Oupa Jan se toetsuitslae. Ons loof U naam!

12 weke 6 dae

Naweekpret

2008-07-14T10:32:00.001+02:00

Hierdie was ‘n besige naweek. Vrydag-aand het ons net lekker gechill hier by die huis, en ek en Gert het ons strategie beplan vir die naweek. (Deesdae is enige trippie –winkels, kuiertjies, kerk ens als beplan rondom die klein prins se voedingstye wat hy o so gerieflik daagliks verander!)

Saterdag-oggend het ons gou die winkels getref om ‘n persent vir Carmi te koop. Carmi is vriende van ons se dogtertjie en het Saterdag 1 jaar oud geword – Franco se heel eerste verjaarsdag-partytjie! Het so baie van die boekie gehou wat ons gekoop het, dat ons sommer vir Franco ook ‘n “Die soen wat weggeraak het” gekoop het vir eendag se storie lees. J

Ook op die lysie was ‘n humidifier vir Franco. Hopelik help die om ons klein prins se kort-kort toeneus (ja alweer!) finaal nek om te draai, of hom dan ten minste gemakliker te maak.

Sondag-oggend het ons gou knopies vir Franco se toewydingspakkie gekoop (wat Ouma Miekie ewe liefdevol vir ons maak). Die oulikste beertjieknopies gekry! Verder was Ma se lysie vol boring goeters soos ‘n driepunt prop vir die humidifier, ekstra verlengkoord vir die babakamer en so aan. Pa se lysie het ‘n gasverwarmer ingesluit (dankie Eskom se load shedding!) en toe ‘n onsuksesvolle soektog na gas vir die splinternuwe gasbottel. (Lyk my ons was nie die enigstes wat die naweek agtergekom het dis bibberkoud nie!) Gisteraand was ons kerk toe en toe is die naweek ook al amper oor. Na kerk het ons vir Boeta gevoed en gebad en aan die slaap gesus en toe is dit ookal 21h30! So min dinge is nog gou en maklik met ‘n prinsie in die huis! Maar ons verruil hom vir geen geld in die wereld nie!

Toekomstige beroep?

2008-07-14T10:18:00.000+02:00

Ons reken ‘n beroep as chirurg le dalk erens in die toekoms vir Franco – hy oefen dan nou al om sy eie mangels uit te haal! J

Dis te cute om te sien (as mens nou al die kwyl wat daarmee saamgaan ignorer!) Franco is meer en meer besig om sy eie handjies te ontdek, en die afgelope paar dae is die handjies pal in die mond. Hy hou al oulik speelgoedjies vas wat ons in sy hande sit, maar ons kon nog nie agterkom of hy besef dat dit HY is wat die ratels ens. skud nie. Dit wat hy nie met sy oe agterkom nie, kom hy defnitief met sy mondjie agter!

Vir my as Ma was dit tyd om oor my afkeer vir borslappe te kom (tot dusver was ek gelukkig en kon Franco sonder borslappe al die oulike kleertjies vir ons model), maar met die hande in die mond is die spoegfabriek op volle sterkte! Hy het een borslap wat verklaar: “Dribble happens! Get over it” en dis maar wat ek ook moes doen!

Al nadeel van hierdie vroee beoefening van ‘n moontlike beroep is dat die toekomstige chirurg dit alte gereeld regkry om die vingers bietjie te ver in die keeltjie af te druk en homself in die proses naar te maak. ‘n Groot deel van die melkies kom dus terug boontoe – nie bevorderlik vir gewigoptel of Ma se skoon, nuwe hemp nie.

12 weke 5 dae

Dankie Here dat alhoewel ons nie weet WAT Franco eendag gaan word nie, ons wel weet dat U weet en dat U daar is vir al die dae van sy lewe. Ek en Gert bid dat Franco sommer vroeg vroeg in sy lewe sal agterkom hoe nodig hy vir U het.

Wie is die oulike seuntjie in die spieel?

2008-07-10T16:02:00.000+02:00

Ons begin oor die verkoue te kom - prys die Heer! Het 'n neussproei ontdek wat blyk redelik effektief is, so ons gebruik dit 'n paar maal per dag. Arme Franco pes die neussproei en protesteer luidkeels daarteen. Ek begin verstaan wat my ouers al die jare bedoel het" "Dit maak my seerder as vir jou my kind. En dis vir jou eie beswil" ;-)

'n Sure fire aandag aftrekker van neussproei ontsteltenis, is om Franco voor die spieel te jou. Seuna is baie ingenome met die oulike seuntjie wat terugweerkaats, en kan nogals 'n rukkie lank lag en gesels met die nuwe maatjie. Dis te cute! Franco se eerste glimlaggies was op 3 weke, maar dit raak al meer op gepaste oomblikke. Die laaste week of wat het hy ook defnitief meer begin "gesels" met ons. My hart raak sommer week as hy daai tandlose glimlag uitpak as jy "Hallo Franco" se. Sy ogies (of is dit myne) begin sommer skitterliggies inkry.

Dankie Here vir die voorreg om te kan mamma wees vir so spesiale seuna! En dankie vir glimlaggies om al die verkoue-swaarkry oomblikke te laat verdof!

Franco is een omgekrapte seuntjie

2008-07-09T15:24:00.000+02:00

Is besig om aan 'n inskrywing te werk met 'n bietjie meer detail oor Franco se geboorte. Dit vat net egter langer as verwag, want die klein prinsie in ons huis sukkel met 'n toe neus en is een erg ongelukkige seuntjie!

Die toe neus veroorsaak dat hy nie lekker kan voed nie, en algemeen misrabel is. My hart bloei vir hom - wens daar was ietsie meers as saline neusdruppels wat ek kon gee om te help. Kom agter hoe ouerskap my verander - vir die eerste keer in my lewe sou ek wat wou gee om iemand anders se verkoue namens hulle deur te suffer. Wens dit het so gewerk - ek kry Franco SO jammer!

In ander nuus het ons laaste 3 weke se goeie gewig optel tot 'n einde gekom, met die kliniek wat vandag slegs 60g vir die week bevestig het. :-( Hopelik is dit maar met die verkoue te doen, en is volgende week beter. In tussen is Ma maar terug om die Jungle Juice en pilletjies vir meer melk!

Die Here challenge my met die borsvoeding ding. Ek besef al hoe meer watter furstrasie Hy moet beleef as Hy al die nourishment het wat ons siele so broodnodig het, maar ons is te gefokus op ons eie dingetjies om behoorlik te drink! Dankie Here dat U ons weer en weer kanse gee, en dat U nie net vir ons voorsien in fisiese nourishment nie, maar ook die Lewende Water is wat ons siele so nodig het.

Tot later dan!

Die eerste inskrywing!

2008-07-08T16:39:00.000+02:00

Ons gesinnetjie is nou ook op die web!

Na vele wik en weeg is besluit om ook ons merkie te maak op die wereld wye web! Het gereken dis dalk 'n maklike nuwe manier om almal ingelig te hou oor al ons avonture in die onbekende wereld van Ouerskap.

Gelukkig kan ons darem altyd staatmaak op die leiding en wysheid van die Ultimate Ouer!